Emampentjisi ase Ningizimu Afrika
Emampentjisi ngumanye etitselo letihlanyelwa eWestern Cape ngemuva kwekufika kwa Jan van Riebeeck ngemnyaka wa 1655, kwatsi ngemnyaka wa 1892 abangumanye etihlahla letihlanyelwako eCape Colony, kuhambisana nemanectarine.
Emampentjisi avulela titselo indlela ngekuhanjiswa nakaba sitselo sekucala kutsi sihanjiwe kusuka eNingizimu Afrika ngenyanga ya Bhimbidvwane ngemnyaka wa 1892. Lesitselo selitje samikiswa eEngland ngekuhanjiswa ngemkhumbi aphindze atfola linani lelihle kakhulu kunendlela beyigadziwe.
Tinhlobonhlobo tase Ningizimu Afrika
Sidlo sekugcina kanye nemampentjisi lanambutelako latinhlobonhlobo ayalinywa eNingizimu Afrika, nekukhetsa lokuvame kugadvwa ngetidzingeko temkhicito kanye nekufunwa emakethe. Tinhlobo letindzala tifakelwa ngalokuncono, tisebenta kakhulu letinhlobo nangabe loku kutfolakala.
Ngemnaka wa 2014, lesidlo sekugcina semampentjisi senhlanyelo kwakuyi Transvalia, iSunsweet, iTemptation, iWitzenberg, iSan Pedro, iNovadonna, iSummersun, iGolden Pride, iExperimental, iFairtime kanye ne Excellence.
iKakamas, iKeisie ne Sandvliet ibalelwa ngetulu kwehhafu yawo onkhe emampentjisi lanambutelako ngekuhamba kwesikhatsi. Lelenye inhlobo ifaka iOom Sarel, iWestern sun, Prof Neethlling, iCascade, iSupreme, Prof Malherbe, iWotemae, iGoudmyn kanye ne Bonnigold.
Lanambutelako noma Esidlo sekugcina
Umkhicito wemampentjisi uhlukene ngeticheme letimbili: emampentjisi lanambutelako kanye nemampentjisi esidlo sekugcina. Emampentjisi lanambutelako anelitje noma indumbu levama kubamba kulenyama yelimpentjisi, lokwenta kubelukhulu kutsi kususwa kwalolokungemuva ngaphandle kwekungalimati lenyama. Lawa emampentjisi avame kusetjentiselwa kufakwa etikoteleni, kwakhiwa kwekudla lokumantana, bojamu kanye nemajellies.
Emampentjisi esidlo sekugcina aphindze abitwe emampentjisi lete ematje noma tindumbu, ngoba lelitje kumelula kulisusa ngaphandle kwekulimata lenyama. Avama kubamakhudlwana, ayacina phinde anejusi lencane kunemampentjisi lanambutelako. Avame kutsengiswa emakethe asemasha, nomanje angaphindze asetjentiselwe kufakwa etikoteleni kany nekubhaka.
Kusetjentiswa
Emampentjisi asetulu nge fibre, ngemavitamin kanye nemamineral, phindze atfwele tintfo letitfolakala esitjalweni, lokufana netintfo letihlangene letisita kuvikela lomtimba esimeni sekuguga. Lesitselo nalesikhumba kuyadliwa, kepha lelitje kumele lisuswe.
Emampentjisi angadliwa aluhlata noma anjalo, asetjentiswa kumasaladi, ayomiswa, afakwa etikoteleni noma asetjentiselwa kwenta emachutney, tinongo, iconfiture, bojamu noma kwekubhaka. Angaphindze entiwe ijusi noma kudla lokumantana.
Tecwayiso
Nawutsenga sitselo lesisesisha, buka lokushelelako, lokucinile, kanye nesitselo lesikhanyako. Sitselo lesitsambile kanye nalesicinile singadliwa ngekushesha. Nomakunjalo, titselo leticinile tingagcinswa sikhatsi futsi tingavutfwa ngekutsi tishiywe endishini naletinye titselo, letifana nemahhabhula noma bhanana. Emampentjisi angabekwa efrigini kwentela kwehlisa inchubo yekuvutfwa.
Lelitje lingasuswa ngekutsi kujutjwe lelimpentjisi ngasemgceni, bese liyashwilwa emkhatsini ngekubhekiswa kulenye indlela lephambanako bese kuhlukaniswa letincetu.
Translated by Phindile Malotana