Amaperegisi weSewula Africa
Amaperegisi kade angazinye zenthelo ezitjalwa esifundeni se-Western Cape ngemva kokufika kwaka-Jan van Riebeek ngonyaka ka-1655 kwathi ngonyaka ka-1892 kwaba ngeminye yemithi etjalwa khulu eKapa.
Amaperegisi avula indlela ekobaneni kuthunyelwe iinthelo eenarheni ezingaphandle, lokha nakabasithelo sokuthoma esathunyelwa eenarheni zangaphandle zibuya ngenarheni yeSewula Africa ngoTjhirweni wonyaka ka-1892. Isthelwesi sathunyelwa enarheni ye-England sikhanyiswa ngesitimela i-Drummond Castle Steamship begodu sathola inani elingcono khulu kunalelo ekhabe lilindelwe.
Imihlobo Yawo eSewula Africa
Kunemihlobo embalwa yamaperegisi etjalwa enarheni yeSewula Africa, lapho kobana kukhethwa muphi kuvamise kobana kuye ngokobana iitlhogeko zomkhiqizo ofuneka eemarageni ngimiphi. Imihlobo emidala ijanyiselelwa ngengcono,lokha nayiba khona.
Ngonyaka ka-2014, umhobo wamaperegisi werhalawombeni egade utjalwa gade kuyi-Transvalia, Sunsweet, Temptation, Witzenberg, San Pedro, Novadonna, Summersun, Golden Pride, Experimental, Fairtime kanye ne-Excellence.
I-Kakamas, Keisie kanye ne-Sandvliet zibalwa hlangana nencenye yemihlobo yamaperegisi.Hlangana neminye imihlobo kubalwa i-Oom Sarel, Western sun, Prof Neethling, Cascade, Supreme, Prof Malherbe, Wotemade, Goudmyn kanye ne-Bonnigold.
Yi-Cling nanyana yi-Dessert
Imikhiqizo yamaperegisi ihlukaniswe ngemihlobo emibili, ama-cling peaches kanye nama-dessert peaches. Umhlobo wama-cling peaches uneqephe elithanda ukukakarela ukudla kwangaphakathi kweperegisi, okwenza bona kube budisi ukobana ususe intanga ngaphandle kukobana wone ukudla okungaphakathi. Amaperegisi la, avamise ukusetjenziselwa ukukheniwa, nokwenza ama-puree, amajemu kanye namajeli.
Amaperegisi womhlobo we-dessert abizwa bona ma-free stone peaches ngebanga lokobana kulula ukususa induma yawo ngaphandle kokona ukudla okungaphakathi. Makhulu, aqinile anomhluzi omnengi kunama-cling peaches. Avamise kobana athengiswe afretjhi emarageni, nanyana angasetjenziselwa ukubhaga kanye nokukhena.
Ukusetjenziswa Kwawo
Amaperegisi la anamazinga aphezulu womthiya, amavithamini kanye namaminerali, begodu amumethe ihlanganisela yentjalo eziletha inzuzo ezifana nama-antioxidants arhelebha ukuvikela umzimba ekuluphaleni. Isthelwesi kanye nesikhumba saso ziyadliwa, kodwana indumba yaso iyalahlwa.
Amaperegisi, angadliwa ahlaza, asetjenziselwe ukwenza amasaladi, onyiswe, akhenwe nanyana asetjenziselwe ukwenza ama-sauce we-chutney, amajemu nanyana kubhagwe ngawo. Angasetjenziselwa ukwenza Ijuzi nanyana i-puree.
AmaThiphu
Lokha nawuthenga iinthelo ezifretjhi, tjheja bona sibutjhelelezi, siqinile nanyana kobana sinombala okhanyako na. Isthelo esithambileko kanye nesiqinileko singadliwa khonokho. Nanyana kunjalo, isthelo esiqinileko singabekwa isikhathi eside, sidliwe sivuthiwe ngokobana sitjhiywe esikotleleni nezinye iinthelo, ezifana nama-apula kanye namabhanana. Amaperegisi ingabekwa esiqandisini ukwenzela bona angavuthwa khulu msinya.
Indumba ingasuswa ngokobana iperegisi lisuswe kwangaphezulu,bese lisikwa libezincetjhana nanyana lihlukaniswe phakathi.
Translated by Busisiwe Prudance Skhosana