Kusondzelana Nemndeni
Nginendlu eKhayelisha, sacale sayibhadala sayibhadala njalo ngenyanga baze basipha yona ngo 1985. Kodva esikhatsini lesiningi ngivakashela Zodwa, umntfanami lohlala emikhukhwini yase Grassy Park, ufuna ngisondzelane naye yiko ngihlale ngikhona kuye.
Ngisho sekwaba ndzima nje kutsi ngisukume noma ngitihambele, ngoba tinyawo tami setaba buhlungu. Imali ngiyitfola ngeMpenshini, naleyo lencane lengiyitfola ku GAPA ngokutfunga, kanye neMali yaZodwa layiholela kuchwala.
Akakhoni kukhuluma kahle ngoba lilwimi lakhe alikatsambi, linamatsele ekhatsi ngutulu kwemlomo. Washa kakhulu asesemncane, indvodza yami isese liphoyisa, lapho khona emanti labilako awela kuye.
Zodwa bekafise kusebenta emtfolamphilo, uyakwati kunakekela bantfana labancane kanye netigulane. Kodva akazanga akhona kusebenta emtfolamphilo, utsi lokumjabulisako manje kuba nomndeni nje kuphela.
Kubita Kwemphilo
Tintfo setilungile manje kimi ngoba batukulu bami, Luyanda na Zanele bahlala kanye nami, kunakekela bona kuyangijabulisa kakhulu.
Angitsandze baye enhlanganweni lephakela bantfana ngoba bafika badle kudla lokubandzako, futsi kubaphatsisa ngetisu, nginconota kutsi babe lana nami. Ngenta siciniseko sekutsi bafika ngesikhatsi esikolweni, bagibela ibhasi yangensimbi yesikhombisa ekuseni.
Basuka eKhayelisha baye eMitchell’s Plain, kusekudzeni kodva bayaya ngoba ngisona sikolwa lesincono. Ibhasi ibita R72.50 ngeviki, umuntfu loyedva futsi bona babili lokwenta lemali ibe yiningi, kulenyanga bekumele bahlale ekhaya liviki lonkhe ngoba kungekho imali yebhasi.
Loko kuyangihlupha ngoba bayashiyeka esikolweni kantsi ngifuna bafundze,angifuni bahlupheke njengami, ngifuna bachubeke ngetifundvo tabo. Sisengakase sitfole kubalisa kubo thishela babo kodva sisengakase satfola nemiphumela yabo, ngeke sitfole imiphumela yabo singaka bhadali imali yabo yesikolwa. Sikolwa sibita R400 inhloko leyodva, asibhadalanga ngoba singanayo imali.
Kubita Kwemphilo
Mangabe tintfo tihamba kahle, sidla iheleyisi nenyama yenkhukhu, ngesinye sikhatsi sidle emashibusi kanye nenhlanti. Tintfo matingalunganga sidla sidla lipalishi ngesinye sikhatsi singadli lutfo.
Ngesinye sikhatsi bomakhelwane basipha imphuphu noma iheleyisi, futsi natsi sente kanjalo kubo. Umtukulu wami Zimi akahlali nami kodva uyeta njalo makabuya esikolweni kutovakasha, siyadlala futsi sente lokuningi lokusihlekisako.
Lesinye sikhatsi badlala mabhacelane, ngifihla lutfo bese bona bayafuna loko lokufihliwe. Ngayitolo sidlale kutsi batfola lebhande lengilifihlile bangishaya ngalo, kodva besitidlalela nje siloku sihleka.
Umndeni waFelicia Mfamana
Besihlala emkhukhwini sikhatsi lesidze, malina litulu emanti angena ngemathayela, besisokola kutfola indlu. Bengisifaka sicelo bese ngilindza umnyaka wonkhe, mangiya kuyobuta bafika bangitsembise intfo lengapheli. Kwatsatsa iminyaka lelishumi lamabili nakune kutsi ngitfole indlu, kodva ngase ngayitfola indlu enhle khona la Khayelisha.
Sinemagumbi lamabili okulala futsi anemibhedze lemibili futsi ngekhatsi, nemikhukhu lemibili ngephandle lapho khona kulala bafana lababili lasebakhulile balana ekhaya. Silishumi lelinye nakunye masesiphelele sonkhe. Uyabona kutsi ngingumtai lolungile kubantfa bami nebatukulu bami, bayangitsandza ngoba nami ngiba tsandza kakhulu, futsi loko kuyabajabulisa.
Sengimdzala kodva ngisakwati kutsi ngibanakekele, kantsi futsi abahluphi. Bayalalela mangikhuluma, akusi ngoba ngingumuntfu locondze kakhulu, imfihlo yami umthandazo, ngicela Nkulunkulu kutsi abante balunge kuwo wonkhe umuntfu, bese ngiyabonga, loko kuyasebenta.
Translated by Thandokuhle Motha