Kusebenta Emgconyeni
Timphahla letindzala,emapulasitiki,kudla lokubolile, Tinkhukhu letibolile,ngesinye sikhatsi netinja letibolile, konkhe loku bekutfolakala kuyo lentsaba yetibi. Kantsi kunuka ngisho usekudzeni.Ngelilanga lekucala lokusebenta ngihamba kanye nalabanye bafati, bengitiva ngigula lilanga lonkhe, kunuka ngendlela lemangalisako. Sasebenta iminyaka lelishumi, kusuka kumnyaka wanga 1972 kuya ku 1982, sisebenta lapho.
Umsebenti wetfu bewuku butsa emabhodela laphukile, emabhokisi kanye nema pulasitiki siwatsengise ku Mr Faro, umndiya lobekema ekugcineni kwentsaba yetibi. Ngelilanga lelihle bengenta R30, bengatsenga sinkhwa kanye napharafini, kubita lipeni leli lodva, iheleyisi kanye nemphuphu. Umangingakayi emgconyeni besingabi nako kudla, ngisho nasekupheleni kwe viki uma ngingakayi.
Akubi khona lutfo lesingakudla, Uma unebantfana, bahlale badzinga kudla sonkhe sikhatsi, bese kudzingeka kutsi uhambe uyotsenga sinkhwa kanye nako konkhe longakudzinga. Labanye bafati bebatsatsa lokunye kudla lebakutfola emgconyeni baye nako emindenini yabo, kodva mine bengingeke ngikwente loko.
Kutfola Lokutsite
Ngelinye lilanga ngabona bantfu babutsa letinye tetimphahla emgcomeni wetibi, ngacala ngakwenta loko nami. Kusukela lapho bonkhe bantfana bami bacala bagcoka timphahla lengititfola emgconyeni, besiti tsatsa sitiwashe. Makutalwa Nosanelisiwe umtukulu wami, ngatfola ngisho sikhwama lesikhulu sigcwele timphahla nema nabukeni, ngakuwasha kute sikusebentise kuye.
Ngesinye sikhatsi belungu bafaka letintfo esikhwameni lesihlobile, sikutfole kunjalo, tingubo, imicamelo kanye netindishi tekudlela, konkhe kugocwe kahle. Ngiyatibuta kutsi ngabe bakulahlelani konkhe loku, ngoba kugcwele tintfo letiphile saka. Besinganani kodva bengineti mphahla letiningi,l eti lengiti butsa emgconyeni wetibi, futsi sasigcokisa kwebafati labacotfo.
Sisebenta emgconyeni wetibi, besingalwisani, sasi hlala sihleka njalo. Lomunye bekatsi, nalomunye asho nomayini,sigcine sesihleka sonkhe. Lomunye bekabutsa imphahla atsi 'Mrs Skefile tsatsa loku kungakufanela.' Loko nje bekusijbulisa nalakhu indzawo inuka. Kubalulekile kutsi utati, utitsandze ngisho unganalutfo, usebentisa lokhu nkulunkulu akuuphe kona.
Translated by Thandokuhle Motha