Umbane Lovela Esibhakabhakeni
Ngelinye lilanga ngatfuma umfanyana wami Phumie esitolo ayotsenga sinkhwa kanye nashukela. Asahamba abuya asetjanini, litulu lacala kunetsa,kwaba nokudvuma madvutane, washaywa litulu aneminyaka lelishumi nesiphohlongo budzala. Bantfu beta ngokushesha bangitjela kutsi bambone agijima wase uwa phansi, bacolisa bangitjela nokutsi ukuphi nendzawo.
Masifika kuye besavele ashonile, ngiyabona wavele wafa khona lapho. Maningi ematfuba okushayiwa litulu ngehobo endzaweni yase Eastern Cape, ngisho namanje loku ngibuya khona ngive kutsi kukhona lokwenteke kubo. Yintfo lesiti tfola siphila ngayo, kodva kufa ngeke utsi ukulungele, kufa akujwayeleki.
Kucala Ukuphupha Futsi
Emuva koku lahlekelwa bantfana lababili ku HIV/Aids, ngatibuta kutsi kuyangani kutsi loku kwenteke kimi njalo emuva kweminyaka lemibili kuba nomntfana wami loshonako. Ngakhuliswa kahle ngingaboni kutsi kuya ngani loku kwenteke kimi kuphela, ngekhatsi kimi ngacala ngabeka liphutsa kubatali bami labangitalako.
Ngoba bengingafisanga nokutsi ngishade, bengitibona ngisebenta emtfolamphilo noma ngisebenta nje ngo thishela kodva indvodza yami ingaku vumeli loko. Ngitibuta kutsi manje nginabantfana nale ndvodza kodva bonkhe bayafa, ngekhatsi enhlitweni yami bengati kutsi indvodza yami ilungile. Naye bekalimala ngekushona kwe bantfana kodva mine ngangi limala kakhulu. Bengihlala ekhaya lilanga lonkhe, ngicabanga ngilokhu ngitizilela,ngangi ngacabangi ngisho kudla ngingafuni muntfu dvutane nami.
Bengi washa timphahla tami, ngihlante indlu yonkhe kanye lelibala, mangicedza ngingene endlini ngitilalele. Bengati kutsi angikho esimeni lesikahle, ngitibuta kutsi ngentani kahle kahle, ngatitjela kutsi kuyoba ncono kutsi ngibuyele eKapa ngiyoba ne ndvodza yami.
Sitokwati kutsi sibonisane kutsi sentanjani, kodva besengititjele ngoku cala ibhizinisi, kanjalo ngacala kukhohlwa ngaloko bekwenteka emphilweni yami. Ngaya eKapa kuyoba na Otto, ngamucela kutsi angitsengele timfanelo tekutfunga kute ngicale lebhizinisi yami yokutfunga.
Kuphola Ndzawonye
Njalo ntsambama sifundza libhayibheli ndzawonye, livesi belisi phazamisa lika Mphostoli Timothy, lapho khona atsi ‘ngeku hamba kwesikhatsi lapho Jesu sekatobuya, bantfu ngeke beve, kutoba nokufa, bantfu batotsandza imali’, sitibuta kutsi kwentiwa yini kutsi sizinhle ngalokubi njalo masicedza kufundza lencwadzi lengcwele.
Ibhalwe abaPhostoli futsi tonkhe letintfo letentekako tibhaliwe ebhayibhelini, sacala kutiva kancono. Ngachubeka ngeku tfunga, ngaze ngabuya ngaba yilomuntfu ebengikadze nginguye.
Translated by Thandokuhle Motha