Rihati Roka Ringa Languteriwanga
Siku rin’wana ndzi rhumile nwana wa mina wa jaha lontsongo, Phumie, kuya evhengeleni aya xava xinkwa na chukele. Loko arikarhi avuya hindlela leyi ayiri na byasi byo leha, mpfula yisungule ku na. Endzhaku ka nkarhi risungula ku dzinda. U biwe hi rihati. Ari na malembe ya khume nhungu.
Vanhu vatsutsumele emutini wa mina endzhaku ka sweswo laha ava hlamusela leswaku van’wi vone ari karhi a tsutsuma kutani awela e hansi. ‘Oh Goldie, i sori,’ vavula. ‘Ule, exigangeni.’ Loko hi fika eka yena se a lovile. U fanele a lovile xikan’we loko a heta ku biwa hi rihati. Kutshama kuri na nghozi yo biwa hi rihati hi ximumu e Eastern Cape.
Hambi sweswi, loko ndzi tlhelerile hi March, Ndzi twe leswaku swihumelele vanhu vohlaya nyana. I swilo leswi hi hanyaka naswona. Kambe ungaka unga tilulamiseli sweswo e mutini wawena. Rifu ringava ritele, kambe ari toloveleki.
Kusungula ku Lorha Nakambe
Endzhaku kaloko vana vamina vambirhi va lovile hi xitsongwatsongwani xa HIV/Aids, Ndzi te, 'Hikokwalaho ka yini mina, minkarhi hinkwayo? Hikokwalaho kayini endzhaku ka malembe yambirhi yanwana na yanwana, n’wana wa mina un’we ufanele ku lova? Hikokwalaho kayini mina?' Ndzi kurisiwe ehansi ka vulawuri byo tika, ndzi tshama ndziri karhi ndzi endla leswifaneleke, andzi nga twisisi leswaku hikokwalaho kayini gome lero tani rita eka mina.
E mbilwini ya mina, andzi sungule ku sola vatswari va mina, hikuva andzi nga lavangi kutekiwa nakan’we evuton’wini bya mina. Andzi ehleketa leswaku ndzi tava muongori kumbe mudyondzisi exikolweni kambe nuna wa mina anga swipfumelangi. Se andzi anakanya leswaku, 'Sweswi ndzi na vana na wanuna loyi naswona valova.
Swingava swi endleriwa yini ke?' Hambi leswi andzi hlanganisiwa nhloko hi leswi aswi humelela, andzi switiva leswaku nuna wa mina a lunghile. Nayena a twe kuvava leswaku vana va yena va hela. Kambe mafu lawa yandzi vavisile swinene. Ndzi tshame ekaya dyambu hinkwaro, ndzi tshame ndzi hleketa, ndzirikarhi ndzi twa kuvava. Andzi nga ehleketi hi swakudya. Andzi nga lavi ku vona vanhu van’wana.
Andzita hlantswa mpahla, ndzi basisa yindlu ya mina na rivala, kambe loko ndzi hetile andzi ta nghena endlwini ndzi badama nyana. Andzi switiva leswaku nhloko ya mina ayi kahle. Kusuka kwalano, ndzi swivonile leswaku swin’wana swifanele ku cinca. 'Xana ndzi endla yini, ndzi tshame laha ndzexe siku hinkwaro, ndzi nga endli nchumu?' Ndzi tivutisile. 'Ndzi ngaka ndzi nga hanyi hindlela leyi. Ndzi fanele ku tlhelela e Cape Town ndzi ya van a nuna wa mina.
Hifanele kuva hi burisana leswaku hita teka xiboho eka leswi hi faneleke ku swiendla. ’ Ndzi ti kume ndzi lahlekile emilorhweni yaku sungula bindzu ra mina kutani ndzi titwa ndzi antswa. Ndzi tlhelele e Cape Town, ndzi kombela Otto kundzi xavela muchini wo rhunga wa ximanguva lawa kutani ndzi sungula bindzu leri andzi anakanya hi rona.
Ku Hola Kunwe
Eka madyambu yotala, ahi hlaya Bibele kun’we. Vhese leyi ayihi thova ngopfu akuri ya mu- Apostle Timothy, leyinge, 'Eku heteleleni, loko Jesu a vuya, vana avanga he twi. Kutava na mafu yotala. Vanhu vata rhandza mali. ' Hi ehleketa, 'Hikokwalaho ka yini hi ehleketa leswo biha ntsena loko Xikwembu xihi nyike Bibele, leyi kungariki buku ntsena? Yi tsariwe hi vaporofeta.
Swilo hinkwaswo leswi humelelaka switsariwile e Bibeleni.' Hi sungule kutwa hitsakile swinene. Ndzi yile emahlweni ndzi rhunga na ku luka. Gome ra mina ri hangalaka.
Translated by Ike Ngobeni