Kutirha hi Malakatsa
Swiambalo swa khale, ti plastiki taku chela swixaviwa, swakudya swobola, tihuku to bola, matsavu, minkarhi yinwana ukuma na timbyana tobola— Hinkwaswo aswihlanganile endzhawini yinwe swiendla ntshava leyikulu ya thyaka, eka rivala leri vonakaka. Kusuka e mpfhukeni, awu twa ku nuha ka ndzhawu leyi.
Siku rero rosungula, kufamba eka ndzhawu leyi ya malakatsa na vavasati vanwana, ndzi vabyile dyambu hinkwaro, Aku nuha ngopfu. Kuringana 10 wa malembe, kusukela hi 1972 kuya eka 1982, hitirhile eka ndzhawu leyi ya malakatsa. Ntirho wa hina akuri kurhwalela mabodlhela lawa ya fayekeke, makhadi bokisi na tiplastiki kutani hiya swixavisa leswaku switaya pfuxeleriwa switirha nakambe eka wanuna wa mu-India loyi avaku i Mr Faro, loyi ava ayimile emakumu ka ndzhawu leyi.
Eka siku ra kahle andzi kota ku endla R30. Andzi kota ku xava xinkwa, paraffin — leswi aswi durha penny yinwe — rhayisi na mugayo. Eka yanwana masiku ahi kota ku endla mali yoringanela ku xava xiphakitani xa rhayisi. Akungari na nyama kumbe matsavu, mali yaswona ayingari kona. Loko ndzova ndzi nga yanga eka ndzhawu leyi, aswivula leswaku ahina swakudya siku rero. Hambi hiku hela ka vhiki, loko ndzi nga yangi, ahingari na nchumu swakudya.
Loko uri na vana, vatshama varikarhi valava swakudya. Swivula leswaku ufanele kuya xava xinkwa na leswinwana hinkwaswo. Vavasati vanwana ava teka swakudya leswi ava swikuma kusuka eka ndzhawu leyi vaswiyisa ekaya, kambe mina aswindzi tsandza ku endla sweswo, nakanwe.
Kukumeka ka Switirhisiwa
Siku rinwana ndzi vone vanhu va rholela swiambalo eka ndzhawu leyi namina ndzi sungule ku endla tano. Kusukela kwalano, vana va mina hinkwavo ava ambala swiambalo leswi andziswikuma kona. Ahi switeka hiya swihlantswa. Loko ntukulu wa mina Nosanelisiwe a tswariwa, ndzi kume na bege yikulu yitele maleri yi cukumetiwile, ndzi teka ndzi ya hlantswaleswaku hita wa tirhisa.
Nkarhi wunwana valungu ava swi chela kahle eka beke ya ntima naswona ahi kumisa sweswo swikhigelo, minkuma na tindhichi. Ndza tivutisa leswaku ava swicukumetela yini hikuva aswiva swahari kahle. Ahi hluphekile kambe mpahla a yi tele, yaleyi andzi yikuma yi cukumetiwile, ahi ambala kufana na vavasati va xiyimo.
Kutirha eka ndzhawu leyi ahinga lwi naswona ahitshama hirikarhi hi hlekelela. Unwana ata vula leswi, unwana a vula leswiya kutani hi hlekelela. Unwana a ta rhwalela swinwana kutani aku, 'Mrs Skefile, teka lexi ixa wena.' Sweswo aswiri kahle swinene, hambi leswi ndzhawu ayi nuha swinene. U fanele ku ti ba xifuva loko u pfumala kutani utirhisa leswi Xikwembu xiku nyikaka swona.
Translated by Ike Ngobeni