Kuva Kusuhi na Ndyangu
Ndzi na yindlu ya mina e Khayelitsha. Ekusunguleni ahi yi renta eka City Council, kutani va hinyika yona hi lembe ra 1985. Kambe himinkarhi yotala andziya eka nwana wa mina wa nhwenyani Zodwa na vana va yena e mukhukhwini wa vona e Grassy Park, hikuva Zodwa ulava leswaku ndziva ekusuhi na yena.
Ndzi fanele kuva kona, hikuva switala kundzi tikela ku famba kumbe kusuka ndzi yima hikuva milenge ya mina yipfimbile hikwalaho ka arthritis. Eka mali, hina phexeni yaka mfumo na leyintsongo leyi ndzi yi endlaka nkarhi wunwana hiku rhunga eka GAPA, xikan’we na phexeni ya vutsoniwa bya Zodwa.
Anga koti ku vulavula kahle, hikuva ririmi ra yena ari chuchekangi. Rikhomanile nale hansi ka nomo wa yena. Naswona utshama a tshwa swinene. Hinkarhi lowu nuna wa mina ari phorisa, mati yo vila yatshama yan’wi chela. Zodwa a lava kuva muongori.
U kahle swinene eka vana naswona u kahle swinene hi nhlayiso wa vanhu lava hluphekaka. Hambi swiritano anga kotanga kuva muongori kambe lexinwi tsakisaka sweswi i kuva na ndyangu wa yena.
Xiyimo xa Vutomi
Swilo swikahle sweswi eka mina, hikuva vatukulu va mina Luyanda na Zanele vatshama na mina. Kuva hlayisa swindzi tisela ntsako lowukulu swinene. Andzi tsakeli leswaku vaya eka ndzhawu ya nhlayiso, hikuva vakuma swakudya swotitimela naswona vavuya ekaya vari na makhwiri yovava na nchuluko. Swa antswa leswaku vava na mina laha ekaya.
Ndzi tiyisisa leswaku ndza valulamisa leswaku vaya exikolweni naswona va kuma bazi ra awara ya nkombo ni mixo. Vafamba kusukela e mutini wa mina e Khayelitsha kuya e Mitchells Plain. I kule swinene, kambe vaya kona hikuva hikona kungana xikolo xo antswa. Hakelo ya bazi yi durha R72,50 hi nwana un’we hi vhiki naswona kuna vana vambirhi, se mali leyi yitele ngopfu.
Nhweti leyi, vaboheke ku tshama e kaya kuringana vhiki hikuva ahinga ri na mali ya bazi. Ndzi vilerisiwa ngopfu hisweswo, hikuva vata salela endzhaku eka tidyondzo ta vona. Ndzi lava leswaku vadyondza, vadyondzeka.
Ava fanelanga ku hlupheka kufana na leswi ndzi nga hluphekisa xiswona. Ndzi lava leswaku va dyondzeka kutlula leswi ndzi nga dyondzisa xiswona, hikuva mina ndzi koke kutika swinene.
Ahi se kuma swivilelo kusuka eka vadyondzisi kambe ahise vona mbuyelo wa vona. Avakoti ku hinyika mbuyelo hikuva ahi hakelangi xikolofisi, lexi durhaka R400 hi nwana un’we hi lembe. Ahi se hakela xikolofisi hikuva hihava mali yo hakela hi yona.
Mintlangu na Mafenya
Loko minkarhi yiri leyinene, hi dya rhayisi na nyama kumbe huku, minkarhi yinwana hlampfi na machipisi. Loko swilo swibihile, hi dya vuswa byiri byoxe. Nkarhi wun’wana kuva kungari na nchumu swkudya swona. Minkarhi yinwana vamakhelwani vahi pfuna hiku hinyika mugayu kumbe rhayisi nahina hi endla tano loko swirikona.
Ntukulu wa mina wa nhwenyani Zimi anga tshami na mina, kambe wa tae ka mina loko xikolo xihuma leswivulaka leswaku ndzi hlayisa vana vanharhu. Hi tlanga mintlangu yotala naswona va endla swilo leswi endlaka leswaku ndzi hlekelela ngopfu.
Nkarhi wun’wana va tlanga xitumbelelani. Ndzi tumbeta xin’wana, kufana na bandi, kutani vari lava ku kondza va rikuma. Siku rin’wana, ntlangu kuva kuri lowu waku loko varikumile bandi vanga ndzi ba hirona.'Unga ndzi ba,' Ndzi va byela, kambe akuri xihlekisi lexikulu swinene laha hinkwerhu hinga hlekelela.
Ndyangu wa Felicia Mfamana
Hitshamile e mukhukhwini kuringana malembe lawa yotala naswona loko mpfula yina, mati aya nghena endlwini. Yindlu hinkwayo ayi tala hi mati. Ahi navela kuva hi kuma yindlu. Ndzi endle xikombelo kutani ndzi rindzela. Lembe rin’wana na rin’wana loko ndzi vutisa, akova switshembiso ntsena ehenhla ka switshembiso.
Switeke 24 wa malembe, kambe ekuheteleleni, ndzi kumile yindlu yosaseka e Khayelitsha. Hina tikamara timbirhi to etlela eka tona letingana mibedwo yimbirhi mbirhi endzeni, xikan’we na mikhukhu yimbirhi endzhaku ka yindlu laha vafana lavakulu laha mutini va etlelaka kona.
Loko hi helerile laha mutini hi 11. YWa vona, ndzi manana wa kahle swinene eka vana va mina lavakulu na vatukulu. Vandzi rhandza hikuva ndzi varhandza ngopfu leswi endlaka leswaku vatsaka. Andza hari lontsongo kambe ndzi tirha kahle eka ku vahlayisa naswona i vana lava vanga tikhoma kahle. Vandzi yingisela loko ndzi vulavula.
Leswi ahi mhaka yaku ndzi lava leswaku valandzelela milawu ya mina. Xihundla xa mina iku khongela. 'Ndza kombela Xikwembu, ndzi kombela undzi pfuna ku endla vana vamina vava kahle eka vanhu hinkwavo,' Loko ndzi vula. 'Ndza khensa, Xikwembu, leswaku wandzi pfuna.' Swile kutirheni.
Translated by Ike Ngobeni