Kuhundza Emisaveni ka Zolile Mdaka
Hiti 13 April 1976, vutomi bya mina byi cincele makumu. Loko vana va mina va majaha Anthony ari na malembe manharhu, na Lennox loyi ahaku hundzisa lembe rin’we, nuna wa mina Zolile aha ku lova. Xitifikheti xa rifu rakwe axi hlamusela leswaku u lovile hikwalaho ka chronic renal failure. Andziri e Tsolo e Eastern Cape nkarhi walowo.
Andzi fanele ndzi va kona kuringana tinhweti tinharhu, naswona nkarhi lowu akungari nati cell phones, ndlela leyi ayirikona yaku fambisa mahungu akuri kutirhisa mapapila. Zolile a tirha ku chela petrol e Durban Road e Bellville. Endzhaku ka mavhiki nyana ndzi fikile e Tsolo, boti wa yena a rhumele papilla leri ari vula leswaku ndzi fanele ku vuya e Cape Town hikuva nuna wa mina Zolile a vabya.
Akuri hi siku leri ndzi nga vuya hirona laha Zolile anga lova. Loko ndzi fika exibedlele, mhani wa mina avari kona kundzi byela mahungu lawa yo biha. Akuri awara ya nkombo namadyambu, ndzi switsundzuka kahle. TAvari lahaya na vamanana van’wana, vayimele kundzi byela leswaku nuna wa mina angahari kona. Oh, leswi aswivava swinene.
Kulahlekeriwa hi Vana va Majaha Hikwalaho ka Madzolonga
Eku sunguleni ka 1978, Andzi tikumele jaha leri andzi hleka narona, Julius, kutani hive na n’wana wa jaha, Nathaniel, endzhaku ka sweswo hikuma wa vumbirhi, Samuel. Avari majaha ya kahle swinene loko varikarhi va kula. Nathaniel a tirha tani hi plumber kutani a sungula kundzi akela yindlu.
Siku rin’wana, Nathaniel ari eka va munghana wa yena, vatinwela byala vatsaka. Loko Anthony aya van a vona, Nathaniel u xavele boti wa yena xinwiwa leswaku vata tsaka kun’we. Vanghana vayena ava popiwile laha vanga n’wi hehla hikuva tsan’wa, kutani un’we wa vona an’wi tlhava hi mukwana a lova. Ari na malembe ya 24.
Swita Ndzhaku swa Rifu
Nathaniel a endla hinkwaswo leswi aswi kotaka kundzi pfuna. Loko atava a lovile aswingaha humeleli. Yindlu ya mina nasweswi yi pfumala sink na tiphayiphi kumbe ku plumbiwa e khixini. Loko hi lava ku hlantswa swibye kumbe mpahla ya hina hifanele kuya eka pompi leyingale handle ekusuhi na nyangwa.
Ndzina bavhu lerikulu swinene ra wasi – leri Ntombi ya mina Phyllis anga ndzi xavela – kambe andzi vangi na mali kuri nghenisa endlwini, swinga leswi raha tshamise sweswiya ringa vekisiwa xiswona, tani hi ndlopfu leyikulu yinga tirheki nchumu kambe ku teka ndzhawu yotala.
Khombo Rivuya Nakambe
Mbilu ya mina yi vave ngopfu loko nwana wa mina Nathaniel a lova. Endzhaku ka rifu ra Nathaniel, Samuel a sale ari yexe loyi a tirhaka. Ari na ntirho eka khamphani ya vumaki. 'Ma, hafu ya xinkwa ya antswa eka loko ungari na xinkwa,' leswi hileswi arhandza kuswivula eka mina. 'Tsundzuka, ndzi le kitirheni hikuva ndzi lava ku pfuna wena.
' Loko hitwa leswaku Nkosi wa Nathaniel wuta durha R2900, Samuel undzi nyike R3000 kutani andzi byela aku: 'Rila Nkosi wa boti wa mina, ma. Andzi lavi leswaku urilela ntsengo wa nkosi.' Anga switivi leswaku nayena walandzela. Kutani Samuel, rikotse ra mina, nayena u tlhaviwile hi mukwana a lova loko ari na malembe ya 22. Intiyiso, vana vamina vambirhi va majaha vatlhaviwile va lova.
Swihumelela vantshwa votala ngopfu ema lokixini ya hina. Swi humelela loko vaya e byaleni vavuya vusiku; hi xitalo valwela tintombi. Votala va vona va jika jika na mukwana exikhwameni, loko nyimpi yi suka kuva na madzolonga. Masiku lawa kuna lava vangana swibamu.
Translated by Ike Ngobeni