Kupfuneka eku suhi
Loko ndzaha tshama e Eastern Cape, andziri nwana loyi arhandza huwa swinene kambe kufike laha ndzi nga sungula ku miyela naswona mudyondzisi wa mina usungule ku vona leswaku akuri na swinwana leswi aswindzi hlupha e moyeni. Nhloko ya xikolo yindzi vitanile e hofisini ya yona kuta ndzi vutisa leswaku kungava ku hoxeke yini.
Ndzi nwi hlamuserile hitaku biwa loku andzi langutane nakona ekaya kutani atsalela mhani wa mina papila. 'Ndzi kombela leswaku undzi tisela kherefu ya mhana wena, ' Andzi kombela. Aswingata endleka leswaku ndzi nga vutisa kokwani wa mina leswaku kherefu ya mhani yiri yini, kambe andziswitiva leswaku kokwana una mapapila yotala kusuka eka mhani lawa aya tumbetiwile eka kist.
Siku rinwana, ndzi pfurile kutani ndzi teka papila hiku hatlisa laha ndzinga kopa kherefu. Nhloko ya xikolo u tsalerile mhani wa mina papila kusukela kwalano. Mhani u teke xiboho xa leswaku ndziya tshama nayena e Cape Town. Aswinga olovi hiukva kokwani avanga pfumeli leswaku ndzi famba. Mhani vakomberile mudyondzisi wa mina leswaku vaya vulavula na kokwani.
Kambe eku heteleleni ndzi fambile kuya eka mhani hi xitimela. Andzi tsakile kuya tshama na yena. Kambe malembe lawa yotala yaku pfumala ntsako naku pfumala kutitshembha aswi ndzi onhile swinene lero hambi ndziri kwale Cape Town, Andzi nga ri kahle. Ndzi yile exibedlhele xa Groote Schuur eka ndzawulo ya psychiatric, laha ndzi nga nyikiwa mapilisi lawa yantsongo yobasa. Ndzi tshemba leswaku nale ka xiyimo xexo andzi tshunguriwa ntshikelo.