Thuso Seatleng
Fa ke ne ke dula kwa Kapa Botlhaba, ke ne ke le ngwana o o modumo, fela ke ne ka simolola go didimala, mme morutabana wa me o ne a simolola go lemoga tshotlegô ya me. Mogokgo o ne a mpiletsa kwa kantorong ya gagwe mme a mpotsa gore molato ke eng. Ke ne ka mo bolelela ka ga dipetsô tsa kwa gae mme o ne are o tlile go kwalela mmê wa me lekwalo.
‘Ke kopa o ntlisetse aterese ya gagwe’, o ne a nkopa. Go ne go se ka tsela e nka kopang nkoko wa me aterese ka yona, fela ke ne ke itse gore o na le mokoa wa makwalo a a tswang kwa go mmê a a fitlhilweng mo letlatleng la ga mmê. Tsatsi lengwe, ke ne ka bula letlatla mme ka ntsha makwalo ka bonako le go kwalolola aterese. Mogokgo o ne a kwalela mmê, mme go ne ga nna jalo.
Mmê wa me o ne a sweetsa gore ke tshwanetse go tla kwa go ênê kwa Cape Town. Go ne go se bonolo, ka gonne nkoko o ne a sa batle ke tsamaya. Mmê wa me o ne a tshwanela ke go kopa morutabana wa me go ya go bua le ênê. Fela kwa bokhutlong ke ne ka tsamaya, go boela kwa go mmê ka setimela. Ke ne ke wetse makgwafo thata go nna le ênê gape.
Fela dingwaga tsa khutsafalô le go sa itshepe di ne di njele e le tota mo eleng gore le kwa Cape Town tota, ke ne ke sa ikutlwe sentle. Ke ne ka ya kwa bookelong jwa Groote Schuur kwa lefapheng la malwetse a tlhaloganyo, kwa teng ke ne ka fiwa dipilitshana tse tshweu. Ke akanya gore le mo kgatong eo, ke ne ke alafelwa kgatelelô ya maikutlô.
Translated by Nchema Rapoo