Kutfola Lusito
Ngisahlala eEastern Cape bengingumntfana lone msindvo kodva loko kwaya ngokwehla kancane kancane, waze wabona thishela wami kutsi kukhona losekushintjile ngami. Thishela nhloko wangibitela ehhofisi afuna kwati kutsi kwentakalani ngami, ngamutjela ngaloko lengihlangabetana nako ekhaya.
Watsi utobhala incwadzi abhalele make wami longitalako, wase utsi angimuphe likheli lakhe. Bekungekho indlela yokutsi ngingasho konkhe loko kuGogo, kodva bengati kutsi kunetincwadzi letifihliwe, letibuya kuye make. Ngelinye lilanga ngavula lapho tifihlwe khona letincwadzi takhe, ngakopela likheli lakhe kwenye indzawo ngavala ngokushesha.
Thisha nhloko wabhalela make incwadzi, kulapho atsi ngite kutohlala naye eKapa. Bekungekho lula ngoba Gogo wami bekangafuni kutsi ngihambe, kwadzingeka kutsi make akhulume naye Nhlokonkhulu kutsi ayobonisana naye Gogo. Kulapho ngagibela sitimela khona, ngibuyela kuyohlala naMake, ngikhululekile emoyeni wami.
Kodva yonkhe leminyaka yokungajabuli ngingatitsembi, beseyidle incenye yami, ngoba nakhona kumake ngafika ngangabi ngendlela lengiyo. Ngaya esibhedlela sase Groote Schuur, kudokotela wengcondvo, lapho khona ngatfola emaphilisi lamhlophe lamancane, ngatfola kulapheka khona.
Translated by Thandokuhle Motha