Nkulunkulu linyawo lami, Phyllis lelinye lato
Uma umntfanami, Phyllis angashona ngingenta njani, impela Nkulunkulu ngatsi linyawo lami, Phyllis elinye leti nyawo tami. Ngu Phyllis lowangisita kutsi ngakhe indlu yami, wangitsengela nesitofu asasebenta, kanye nesiyilo sesilungu, timfanelo tase gumbini lokugeza, noma tintfo takhona tingaka fakwa namanje.
Emaviki lambalwa lendlulile, Phyllis wabuya ekhaya kutofa, watsi lakufunako nje kutsi abedvutane naMake wakhe. Bengimfunta, ngimugeza, ngimdvudvuta futsi ngimunakekela sonkhe sikhatsi. Bekalala ngisho embhedzeni nami, bekundzima nokutsi ngihambe endlini, bekatsi yindlela lendze Make kodva kumele ngiyihambe, sengilungele kufa manje.
Ngiyavuma ngoba vele akukho lokuningi lokungihambela kahle, ngiphatswa nguwe nje kabi, utophila ngani futsi imali yokungingcwaba itovela kuphi. Besengimubonile angibuka acabanga kutsi angimboni netinyembeti tehla ngesihlatsi, kanjalo ngabona kutsi ukhatsatekile ngami. Seka bambelele emphilweni ngenca yami nje futsi loko akusi kuhle.
Kufuna Lusito Ebanganini
Ngahamba ngaya kwabanye boGogo be GAPA, bangani bami labadvutane kutsi bakhulumisane naye Phyllis kutsi ayoshonela esibhedlela, ngoba besekundzima kimi futsi ngingasakwati kubhekana nako konkhe. Bangisita bakhuluma naye vele waya esibhedlela, njalo makagula kudzala bengiba ngedva ngitibute kutsi kuyoba njani makashona.
Kodva manje bomakhelwane sebayeta, bafike bakhulume ngaye Phyllis, baletse nokudla kuzama kusita. Nase sontfeni futsi bayeta emgcwabeni wakhe kantsi nabo sisi bami baku GAPA. Lendzaba lena iliciniso,ngifisa ngabe wami make usese khona ngitococela yena, kodva umtukulu wami Juliette ukhona. Ngifuna abone kutsi Gogo uhluphekile kodva namanje usesemile, ngilichawe futsi ngiyaphindza ngitsi ngilichawe.
Translated by Thandokuhle Motha