'Mudzimu ndi mulenzhe wanga, Phyllis ndi munwe mulenzhe wanga'
Musi ṅwananga Phyllis a lovha thi vhoni ndi tshi ḓo vha muthu hafhu. Zwi nga mudzimu ndi mulenzhe wanga Phyllis na ene avha munwe mulenzhe. Ndi Phyllis we athusa u fhaṱa nnḓu yanga a nthengela tshiṱofu atshi kha ḓi shuma, na dzi tiles dzine dza vha nduni yanga, na bafu ḽa u tambela ḽine aḽi athu pangiwa.
Vhege dzo fhelaho Phyllis o ḓa muḓini wanga atshi khou ḓa u fela hone. Ori zwoṱhe zwine a khou ṱoḓa zwone ndi uvha na mmeawe. Nda tshi khou mulisa, u muṱanzwa, u mukhuthadza, na u muṱhogomela tshifhinga tshoṱhe. O vha atshi khou eḓela na mmbeteni wanga na nṋe. Zwo vha zwi tshi khou nkonḓela na u tou bva nḓuni, ndi khou shavha uri arali a sala atshi ṱoḓa tshithu.
U dzula atshi khou amba tshithu tshithihi: 'ndi nḓila ndapfu, mama, ndo i tshimbila ndi ndoṱhe, fhedzi ndo lugela ufa zwino. Ndo ṱanganedza ngauri ahuna tshithu tshine tsha khou tshimbila zwino. Ane a khou mbileidzisa ndi iwe.
Vha ḓo kona hani u tshila? tshelede ya u mbulunga iḓo bva ngafhi?’ Ndi amuvhona o tsedza a khou ri thi zwi vhoni, na muṱodzi u tshi khou elela kha tshiṱefu, nda zwivhona uri u khou vhilaela nga nṋe. Ndi vhona unga u kha ḓi tshila nga nwambo wanga. Zwi vha zwi si zwavhuḓi kha e. Na kha nṋe zwi vha zwo no ḓalesa.
U ṱoḓa thusa kha vhangana
Ndo ya kha vhaṅwe vho makhulu, vhangana vhanga vhano dzula tsini, nda vha humbela uri vha nyambele na Phyllis uri aye sibadela ayo lovha, ngauri zwine zwithu zwa khou itea ngayo zwi khou vhavha vhukuma kha nṋe. Vha nthusa. Vha muṱalutshedza, aya sibadela.
Tshifhinga tshoṱhe atshi khou lwala zwa kale, ndo vha ndi tshi pfa vhuludu, ndi tshi ḓi vhudzisa uri ndi ḓo tshilisa hani asi tsheho. Fhedzi zwino, vhahura vha dzulela uḓa kha nṋe, vha tshi khou amba na nṋe uri hu khou itea mini kha Phyllis, vha nḓisela na zwiḽiwa. Na vhathu vhane nda kereka navho vha ḓo da mbulungoni. Nga hafha ndi na vhakoma na vharathu kha GAPA.
Hezwi ndi zwithu zwine zwa khou utea zwavhukuma. Ndi a tama mme anga vha vhe vha tshi kha ḓi tshila vha pfe mafhungo anga. Ndi khou ya u sumbedza muḓuhulu wanga Juliette, uri a kone u vhona uri vho makhulu vho tambula zwi ngafhani — nga nḓila ḓe, nga murahu ha hetshi tshifhinga tshoṱhe, ndi mukundi. Ndi mukundi wa vhakundi.