U kulumaga mbumbelo
nga 1960, ṅwananga wa u thoma, Mthuthuzeli, a bebwa o lovha ana miṅwedzi ya rathi. Ṅwananga wa vhuvhili na wa vhuraru navhone vho lovha vha na miṅwedzi vho bebiwa. Thi ḓivhi uri ndi ngani fhedzi zwo vha zwo tou ralo nga haaḽa maḓuvha. Vhana vhanzhi vho lovha.
No vha ni sa koni u tou lafhiwa zwavhuḓi sibadela, u fana na ṋamusi. Ndi vhona unga zwo itwa nga zwezwo. u lovhelwa nga vhana vhavhili zwo vhavhesa, makhulu wanga vha mmbudza uri 'ni songo vhilaela.
Ni khou kulumaga mbumbelo u itela vhana vhane na ḓo vha navho vhanzhi.' Maipfi avho ovha atshi nṱuṱuwedza.
Maduvha ane nda a humbula
Ho vha hu 1964 ndi saathu vha na nwana we atshila, a no pfi Olive. Nga 1966 munwe ada- Phyllis, ane zwino avha na minwaha yo no swika 15 ana HIV/Aids. Kenneth o bebiwa nga 1969 na Prudence, we alovha nga Aids, sa Olive, o bebiwaho nga murahu ha minwaha mivhili. nga 1972, ndo vha ndi sa khou pfa.
Ahuna ano ṱoḓa uvha na vhana vha no fhira vhaṋa, fhedzi nda vha na wa vhuṱanu, ndi na Anthony, nga 1975 nda wana munwe, Lennox. ee, ndi a kona u humbula maḓuvha haya oṱhe.
Ndi a kona u humbula uri zwithu zwoṱhe zwo iteaho muḓini wanga zwo itea lini, na ḓuvha ḽinwe na ḽinwe ḽe nda beba ngaḽo, na ḓuvha ḽinwe na ḽinwe ḽe ha vha na dzi mpfu. Haya maḓuvha ndi a hangwa zwinwe.
Tshinwe tshifhinga ndi adzumba tshithu, matshelo nda vuwa ndo hagwa uri ndo tshi vhea ngafhi. Fhedzi zwoṱhe zwine zwa kwama muṱa wanga ndi kha ḓi tou zwihumbula zwavhuḓi.