Ukuhlamba Isinya
Ngonyaka ka-1960, izibulo lami uMthuthuzeli wabelethwa.Wahlongakala lokha anenyanga ezisi thandathu obudala. Umntwanami wesibili, nowesithathu bahlongakala ngemva kwenyanga ezimbalwa babelethiwe. Angazi bona kwakubangelwa yini, kodwana kwakunjalo amalanga layo abantwana abanengi kade babhubha.
Begade ungeze wathola ukulatjhwa okulungileko embhedlela, njengeskhathini sanje, ngiyaqabanga bekubangelwa ngilokho.
Ukubhujelwa bantwana ababili kwakubuhlungu, kodwana ugogo wangitjela bona ngingatjhwenyeki ngakho. 'Ukulumaga isinya, usikulumagela abanye abantwana abanengi ozoba nabo ngelinye ilanga'. Watjho njalo, amezwi wakhe angikgelebha bonyana ngirhone ukuqalana nobujamobu.
Amalanga Engiwakhumbulako
Bekungunyaka ka-1964, ngaphambi kokobana ngibe nontwana ophilako, engamthiya bona ngu Olive, kweza omunye uPhyllis ngonyaka ka-1966, lo osele aneminyaka eyi-15 anengogwana ye-HIV/Aids. UKenneth wabelethwa ngonyaka ka-1969 noPrudence, owabulawa yi-Aids njengo Olive, owabelethwa eminyakeni emibili eyalandela lapho.
Ngonyaka ka-1972 ngaganga. Akutlhogakali bona ngibe nabentwana abadlula abahlanu, kodwana ngaba nowesihlanu u Anthony, ngonyaka ka-1975, nomunye uLennox. Iye ngibukhali ngokukhumbula amalanga.
Ngikhumbula yoke into eyanzeka emndenini wami ngamalanga, amalanga wabo boke wamabeletho namalanga ababhubha ngawo. Amalanga la, nginakho ukulibala ezinye izinto Ngelinye ilanga nginokufihla izinto endaweni ebulungekileko, bese kuthi kusasa uthole sele ngilibele. Kodwana amalanga amanengi wezinto ezikhambelana nomndenami ngizikhumbumbula kuhle.
Translated by Busisiwe Skhosana