Go Hlwekiša Popego
Ka ngwaga wa 1960, ngwana waka wa mathomo, mthuthuzeli, o ile a belege. O ile a hlokofala ge a na le dikgwedi tše tshelela. Ngwana waka wa bobedi le wa boraro ba ile ba hlokofala le bona morago ga dikgwedi tše mmalwa ge ba se no belega.
O be o sa kgone go hwetša kalago mo dipetleleng bjalo le lehono. Ke nagana gore ke lona lebaka le lengwe. Go hwa bja bana ba babedi go be go le boima kudu, eupša makgolo waka o ile a mpotša a re 'o se ke wa tshwenyega ka yona.
Ye ke tsela ya go hlwekiša popego ya gago mabapi le bana ba bantši o tla bago le bona letšatši le lengwe. Mantšu a gagwe a nthušitše kudu go kgotlelela.
Matšatšikgwedi a go Gopolwa
E be e le ngwaga wa 1964 pele ke be le ngwana wa go phela, yo a bitšwago; olive. Ka 1966 yo monngwe o ile a tla - Phyllis, yoo, gonabjale a swarago ngwaga wa lesome hlano le bolwetši bja HIV/Aids. Kenneth o belegilwe ka ngwaga wa 1969 gomme prudence yena, yo a bolailego ke Aids, go swana le olive, yo a belegego morago ga mengwaga ye mebedi. Ka 1972, ke ile ka tšwa tseleng.
Ga go na motho yo a swanetšego go ba le bana ba go feta ba bane, eupša ke ile ka ba le ngwana wa bohlano, Anthony, gape ngwaga wa 1975 ka ba le yo mongwe; Lennox. Ee, ke gopola matšatšikgwedi gabotse. Ke gopola se sengwe le se sengwe seo se diregilego go ba lapa la ka, ka matšatši a ona.
Ka letšatši la matswalo le lengwe le le lengwe, le letšatši la lehu. Matšatšing a lehono ke lebala dilo ka nako tše dingwe. Ka letšatši le lengwe ke na le go fihla selo ka lefelong le le bolokegilego, gomme ka moswane le lebetše gore selo sa gona se kae. Eupša bontši bja matšatšikgwedi mabapi le lapa la ka, ke a gopola gabotse.
Translated by Lebogang Sewela