Ku basisiwa ka xivelekelo
Hi 1960, nwana wa mina wosungula, Mthuthuzeli, utswariwile. U lovile loko ari na ntsevu wa tinhweti. Wavumbirhi na wavunharhu navona valovile endzhaku ka tinhweti nyana loko vatswariwile.
Andzi switivi leswaku hiko kwalho ka yini kambe hileswi aswiri xiswona minkarhi yakona.
Vana votala valovile. Awungata kuma vutshunguri bya kahle e xibedlele kufana na leswi swinga xiswona namuntlha. Ndzi tshemba leswaku leswi hiswona xiphemu xa xivangelo.
Kuloveriwa hi vana vambirhi akuri gome lerikulu swinene, kambe kokwani wa mina vandzi byele leswaku ndzinga vilely hiswona. Leswi iku basisa xivelekelo xa wena eka vana lavotala lava ha taka. Marito ya vona yandzi tiyisile.
Masiku yaku wa tsundzuka
Akuri lembe ra 1964 loko ndzi nga seva na nwana loyi a hanyaka, ndzi nwi thya Olive. Hi 1966 ku tile unwana- Phyllis, loyi sweswi anga eka lembe ravu khume ntlhanu akari a hanya na xitsongwatsongwani xa HIV/Aids. Kenneth utswariwile hi 1969 na Prudence, loyi anga lova hi Aids, kufana na Olive, loyi anga tswariwa malembe yambirhi lawa ya landzeleke.
Hi 1972, ndzi phungherile. Akuri hava loyi afanele kuva na vana vo hundza mune, kambe ndzi kume wa vuntlhanu, Anthony, kutani hi 1975 kukumeka unwana, Lennox. Intiyiso, ndzi kota ngopfu ku tsundzuka masiku.
Ndzi tsundzuka hinkwaswo leswinga humelela emutini wa mina hi masiku, siku raku tswariwa rinwana na rinwana xikanwe na siku rinwana na rinwana raku lova. Masiku lawa se ndzi rivala swilo minkarhi yinwana.
Siku rinwana ndzi nga tumbeta xilo ndziku ndzo hlayisa, mundzuku ndzi pfuka ndzi rivele kuri xile kwihi. Kambe masiku yotala lawa ya khumbhaka ndyangu wa mina ndzi wa tsundzuka kahle.