‘Xikwembu nenge wa mina wunwe, Phyllis lowunwani’
Loko nwana wa mina wa nhwenyani Phyllis a lova andzi tivi leswaku ndzi ta lungha nakambe ke. Swotwala onge Xikwembu i nenge wa mina unwe kasi Phyllis hi lowunwani. Akuri Phyllis loyi anga ndzi pfuna ku aka yindlu naku ndzi xavela xitofu hinkarhi lowu a tirha xikanwe na ti tiles ta yindlu, na swibye swale bathroom leswi hingase kotaka naku swivekela na namuntlha.
Mavhiki nyana lawa ya hundzeke Phyllis utile ekaya ka yindlu ya mina kuta fa. Uvule leswaku eka hinkwaswo leswai aswilavaka ikuva na mhani wa yena. Andzi nwi dyisa swakudya, ndzi nwi hlantswela, ndzi nwi hlayisa nkarhi hinkwawo. A etlela eka mubedwo wunwe na mina. Aswitika swinene kuva ndzi suka laha kaya, loko o tshuka a lave swinwana.
Nayena a vula swilo swinwe minkarhi hinkwayo: 'I gondzo ro leha, mama, naswona ndzi fanele kuri famba ndzexe, kambe ndzi tiyimiserile ku fa sweswi. Ndza pfumela hikuva akuna nchumu xindzi fambelaka. Lexindzi vilerisaka hi wena. Xana uta sala u hanya njhani. Xana mali yo ndzi lahla yita huma kwihi?’ Andzi nwi vona andzi langutile loko a ehleketa leswaku andzi nwi voni, na nhloti wu rhelela e rhameni.
Ndza switiva leswaku a vilela hi mina nakambe. Ndzi ehleketa leswaku a khomelela eka vutomi hikwalaho ka mina. Leswi aswi kahle eka yena. Naswona eka mina swivava ngopfu.
Kukuma mpfuneto kusuka eka vanghana
Ndzi yile eka vakokwani vanwana, vanghana va mina vale kusuhi, ndzi vakombela kuva va vulavula na Phyllis van’wibyela leswaku ayi exibedlele aya fela kona, hikuva hindlela leyi swilo swinga xiswona aswindzi tikela ngopfu naswona andzi nga ha swikoti. Vandzi pfunile. Van’wi hlamuserile, kutani aya exibedlele.
Minkarhi hinkwayo loko a vabya andzi sala na xivundza, ndzi tivutisa leswaku ndzi ta va njhani loko a fambile. Kambe sweswi va makhelwani vasungule kuta eka mina, vavulavula na mina hi leswi humelelaka hi Phyllis, vandzi tisela swakudya ku ta pfuneta. Swirho swa kereke aswita eka Nkosi wa yena.
Nakona sweswi, ndzina va sesi wa mina va GAPA. Lexi i xitori xa mina xa ntiyiso. Hindlela leyi ndzi navelaka ha yona leswaku onge mhani wa mina avaha hanya leswaku vata twa xitori xa mina. Ndzi ta xikomba ntukulu wa mina wa nhwenyani Juliette, leswaku ata kota kuvona leswaku kokwani wa yena vahlupheke ku fikela kwihi— naku endzhaku ka hinkwaswo leswi, ndzi muhluri. Muhluri wa xiviri.