Ndzhavuko wa xi-Xhosa endzhaku ka nkosi
Endzhaku ka nkosi wa nuna wa mina, mhana mina vateke nwananga Anthony vafamba na yena e Gugulethu hikuva andzi fanele ndzi tlhelela e Eastern Cape. Hi ndzhavuko wa xi-Xhosa, loko nuna wa wena a lova u fanele uya tshama na vavukati kuringana lembe naswona u ambala mpahla yantima ku kombeta leswaku ule ku zileni.
Loko lembe riherile, ndzi kombele kutlhelela e Cape Town kuya tirha ndzi ta kota kuhlayisa vana vamina va ntsevu. Ndzi va siyile e Eastern Cape kutani ndziya tirha e Cape Town tani hi mutirhi wale ndlwini, tani hileswi na mhani wa mina ava tirha swona. Siku rin’wana, makhelwani ute eka mina a fika aku vana va mina vaxanisiwa ekaya e Tsolo.
Loko tihomu kumbe tinga vuyangi, Kenneth anga dyi byirhelela naswona ata tsutsumela eka ndzhawu yayena ya vutumbelo yo hlawuleka – e khoneni ya xirhapa – laha ata tumbela emabyasini lawa yoleha. Akuri sesi wa yena ntsena, Phyllis, loyi a tiva laha a tumbela kona naswona anga byeli munhu. Minkarhi yin’wana makhelwani andzi byela, leswaku vana avanga pfumeleriwi kuya exikolweni. Leswi aswindzi vilerisa swinene.
Vana va mina ava fanele ku nghena xikolo. Andzi fanele ku tiyisisa leswaku vumundzuku bya vona byi lulamisiwile. N’wana loyi angana dyondzo uva eka xiyimo xa kahle eka vumundzuku bya yena, mhani wa mina ava rhandza kuswivula tano. 'Tata wa wena ari mudyondzisi naswona ari na vutomi byo antswa hikuva adyondzile,' Loko a hi byela.
Xiyimo lexifanaka, mbuyelo lowufanaka
Swa hlamarisa swinene leswaku ndzi xanisiwile hi maxaka ya mina loko ndza hari ntsongo naswona sweswi swihumelela vana va mina. Swihumelele hindlela leyi hikuva swiyimo swa hina aswi fana. Hi ndzhavuko wa hina mhani na vana vatekeriwa ehansi kutlula swirho swa ndyangu leswin’wani ngopfu ngopfu loko n’wana angari na tatani, kumbe loko nuna angari kona.
'Mhani, leswi ndzi nge switshameli,' Ndzi n’wibyela. 'Vana va mina vafanele ku vuyela eka mina.' Andzi tirha ndzi tshama kwale andzi tirha kona hinkarhi walowo, andziri na kamara endzhaku ka yindlu leyi andzi tirha eka yona e Heathfield. Akungari na ndzhawu yoringanela leswaku ndzi nga tshama na vana va mina eka kamara leri rintsongo.
Kuringana nkarhi nyana Anthony uye aya tshama na mhani e Gugulethu, kambe nuna wa mhani hinkarhi walowo anga switsakeli. Laha hi laha ndzi ngaya aka mukhukhu e Philippi — leswaku ndzitava na vana va mina.
Vafana vophunghela
Aswitika swinene, kuva kurisa ndzexe. Ava phunghela, ngopfu ngopfu lava vafana. Anthony utshike xikolo eka ntangha nkombo, eka lembe ra vumbirhi exikolweni xale henhla, kasi Kenneth ari eka xikolo xale hansi. Kuve na nkarhi laha vana ava kurile, laha andziku kamina, 'Loko nuna wa mina aha hanya, vana vamina avanga ta phungherisa leswi.
Vafana lava avanga ta n’wa byala hi ndlela naku tshika xikolo.' Leswi iku luzeka ka vuswikoti bya vona, himpela. Xikombiso, ndzi tsundzuka hilaha Kenneth ari na vuswikoti byo dirowa hikona na leswi ari matsalelo yakahle hikona. Vafana va mina avatava va endle swo antswa hi vutomi bya vona.