Ku aka mukhukhu
Hitile e Crossroads kuta belela mukhukhu. Ahi fanele ku tsemelela misinya hitirhisa mabanga, leswaku hita kota ku belela mukhukhu. Kambe ahinga switivi leswaku hita swiendlisa kuyinit, kambe Nomhle namina hi dyondzile eka vafana lava avari ekusuhi. Ava endlile mikhukhu ya vona hiku tirhisa timhandzi xikanwe na seyila lerikulu.
Na hina hikume xiphemu xin’wana laha ku cukumetiwaka thyaka. Vanhu vanwana avanga rirhandzi seyila leri hikuva ari handzukile nyana kambe hikote kuritirhisa. Hikume xiphemu xintsongo lexi hinga xirhungelela eka lexi kulu hiku tirhisa darata. Loko ku ba moya seyila leri ari haha. Swindzi hlekisa ngopfu loko ndzi switsundzuka.
Ahi nga koti ku xava mubedwa, hikume rivanti leri ari tshovekile ricukumetiwile endhzawini leyi ku cukumetiwaka thyaka, hiri veka ehenhla ka mathini kutani hi andlala minkumba e henhla. Akungari na matirasi. Hitekile minkumba leyinga cukumetiwa, hiyi hlantswa kutani hi finengela yona hinkwerhu ka hina na vana.
Ahi vula mubedwa lowu mubedwa wa mapulangi. Ahiri na mune wa yona endzeni ka mukhukhu wa hina, laha aku etlela nwana na lonkulu eka wun’we. Ahi kume minkumba yotala leyi ayi cukumetiwile lero loko kufika nkarhi wa xirhami hina axinga hi hluphi. Ku endla xitofu xoswekela eka xona hikume thini leri hinga ri boxetela mimbovo.
Andzi vonile vanghana va mina va endla xitofu hindlela leyi laha ndzi nga vavutisa hilaha vanga xi endla hikona kutani vandzi kombeta. Loko munhu o tshuka ayivile thini ra hina loko hingari kona, ahi tlhelela laha ku cukumetiwaka thyaka kutani hi lava rin’wana hivuya hita endla nakambe.