Ukwakha Umkhukhu
Seza e-Crossroads sizokwakha umkhukhu.Kwafanela bona siqunte imithi ngephanga,ukwenzela bona sithole indawo yokwakha umkhukhu.Sasingazi bona kwenziwa njani, kodwana uNomhle kanye nami safunda kwabanye abesana khonapho. Gade bazenzela umkhukhwabo ngengodo nencephu ezikulu ze-railway canvas. Sathola isiqephu esifana naleso enzibini.
Abanye abantu zange bathande i-canvas leyo ngombana gade iphukile, kodwana thina sayisebenzisa.Nasithule isiqephu esincani, besithatha amathala siyithungelele esiqephini esikhulu.Bekuthi nakufika umoya i-canvass leyo iphephuke. Kuyangihlekisa nasele ngikukhumbula kwanjesi.
Sasibhalelwa kuthenga umbhede, njekesathola umnyango weplanka ezaleni salibeka emablegeni ukwenzela bona siwuphakamise, sabeka iingubo phezulu. Gade singanamatrasi samane sathatha iingubo enzibini, sazihlanza sazimbesa ngazo,soke abentwana nabadala.
Sasibiza imibhede le ‘umbhede wethu wamaplanka’. Gade sinemine emkhukhwinethu kulala umuntu omdala kanye nomntwana embhedeni ngamunye. Satholan iingubo ezinengi ezaleni njeke sasingagodoli, ngitjho nebusika. Ukwenza isitofu sokupheka, sathola iblege elikhulu ezaleni zavula iindrunj nge-screwdriver.
Ngabona abangani bami basebenzisa istofu esinjalo ngababuza bona basenze njani, bangitjengisa. Nangabe kunomuntu owebe istofeso emini nasingekho besivele siye enzibini siyokuthatha elinye iblege.
Translated by Busisiwe Skhosana