Ukubetheka Okumbi
NgoMrhayili wonyaka ka-2001 umkhukwami watjha, nazo zoke izinto ebezingaphakathi. Umlilo wathoma ebadini elingaphambili nagade kungasimgomsamariya olungileko owabona amalangabi wavula ibadi angaphandle ngegarafu, ngabe soke savaleleka ngaphakathi sabhubha soke.
Umlilo ngenye yezinto ezisabeka khulu lokha nawuhlala emkhukhwini Asinagezi begodu nangabe ikhandlela namkhana istofu separafeni ziwa, zingadala umlilo Kungatjha yoke into ngemizuzwana nje. Asikho isikhathi sokobana abacimi mlilo bafike, nesikhathi sokobana siphume ngemkhukhwinapho. Ivalo lethu elikhulu kuvuka emkhukhwni ovuthako ubhalelwe kuvula ibadi elilodlhelweko. Lokhu kwenzakalela abanengi abanye, begodu kwapheze kwenzeka nakimi.
Ngaloba yoke into ukusukela kumazisi wami, iincwadi kanje nezambatho emlilweni loya, ngabetheka kamhlungu khulu, kodwana kwaba litjhuguluko elenza bona ngibe nelangazelelo ngaphakathi kwami.
Itjisakalo
Umsamariya olungileko wangipha itraga elizele amaplanka ukwenzela bona baentwabami bakhe omunye umkhukhu, ihliziyo yami yafuthumala ngokulunga kwakhoku. Kusukela lapho akhange ngisaneliswa mkhukhu. 'Kufanele ngithole indlu yentina.' Ngatjela u Anthony kanye no Phyllis.
'Angifuni ukufela emkhukhwini', yinto engingayifuniko. Ngiqeda amafulufulu wami amanengi ngizama ngizama ukulungisa umzami ngaphambi kokobana ngibhubhe. Kuzokutjho ukuba nendawo lapha ngiphephe khona nalapha ngizozigcaja khona, angifuni ukuhlongakala ngingumma otlhagako, wenzini otlhagako. Into engangilungela kukobana ngibhubhe lokha ngineminyaka emasumi alithoba neminye phezulu.
Ngombana ngifuna ukuqeda umuzi lo, bengihlala kiwo iminyakana. Ngiyakurabhela. Zimu, ngibawa ukuphila ngize ngibe neminyaka eyi-90, okwenzelela bona koke lokhu kuphethakale!
Translated by Busisiwe Skhosana