Go Foka bja šoro
Ka Mei 2001, mokhukhu waka o ile wa tuka le dilo tša ka kamoka ka gare. Mollo o ile wa thoma mo lemating la mo pele gomme re be re tlo palelwa ke go tšwa, re hwile, ge nka be Mosamaritan o mobotse a sa bona mollo a bula lebati ka ntle. Mollo o kotsi kudu ge o dula gare ga mokhukhu.
Ga re na mohlagase gomme ge setofo sa parafine goba kerese e ka wa mokhukhu o ka tuka. Dilo kamoka di ka tuka. Ga go na nako ya gore entšene ya mollo e fihle, le nako ya gore re kgone go tšwa ka gare ga mokhukhu. Poifo ya rena ye kgolo ke go tsoga e be re hwetša mokhukhu o tuka mollo e be re palela ke go tšwa ka nako.
Se se diragetše batho ba bantši e bile se nyakile go ntiragela. Ke lahlagetšwe ke nthwe ye nngwe le ye nngwe, go thoma ka pasa ya ka go fihlile ka diaparo tša ka, ka lebaka la mollo. Go be go le šoro, foko ya šoro. E fela e be e le tsošološo gape, e ile ya tšoša phišego gare ga nna.
Kgahlego ye Kgolo
Mosamaritan wo mobotse o ile a mpha lori ya go tlala makgotla gore bana ba ka ba kgone go ntirela mokhukhu o mongwe gomme ka kwa pelo ya ka e le borutho ka botho ba gagwe. E fela go tloga ka nako yeo mokhukhu o be o sa lekanela. 'Ke swanetše go hwetša ditena tša ntlo ye.' Ke ile ka botša Anthony le Phyllis.
'Ga ke nyake go hweIa gare ga mokhukhu.' Ye e sale kgahlelo ya ka ye kgolo. Ke neela mafolofolo a ka go lokiša ntlo ya ka pele ke hwa. E ra gore ke swanetše go hwetša lefelo le bolokegilego gore ke kgone go phegelela serithi sa ka. Ga ke nyake go hwa ke le mosadi wa modidi gare ga ntlo ya mosadi wa modidi.
Ruru, se nka se dirago ke go hwa ge ka na le mengwaga ye masome senyane kagobane ke nyaka go fetša ntlo ya ka e be ke kgone go dula go yona mengwaga e mmalwa nnyana. Ke a kgopela Modimo, ntumelele gore ke phele go fihla ke swara mengwaga ye masome senyane gore ke kgone go phetha se!
Translated by Lebogang Sewela