Gatelelo ye šoro
Morwa waka Lennox, yo a sego botse ka gare ga hlogo, o ile a nyaka go mpolaya. Ke ka lebaka leo lemati la phapoši ya ka ya borobalelo le senyegile. O be a leka go le roba gore a kgone go tsena a re yena o nyaka go mpolaya. Ke be ke hweletša ke nyaka thušo.
Morwa waka yo mongwe, Kenneth o be a leka go mo swara eupša nka sa go botše maatla ao Lennox a bego a na lego ona. E be e le gatelelo ye šoro. Ka morago, ke ile ka ya go mogwera waka Constance go fodiša pelo. Re ile ra khunama ka magwele. 'Nthuše Modimo, oh Modimo,' re ile ra rapela. 'O Modimo yo mogolo, e bile o tseba pelo ya ka le gatelelo ya ka, kamoka. Modimo, nthuše.
Ke go kgopetše bana, gomme wa mpha bona. Bjale ke na le bana, e fela dilo kamoka ga di sepele ga botse. Ke kgopela gore o nthuše gape. Ke lahlelwa ke tshepo. E ba tshepo ya ka, ke ya go rapela.' Morago ga go rapela, Constance o ile a re go nna: 'O a tseba gore go na le ngwana wa Sathane? E fela wena o ngwana wa Modimo.
Modimo ga a kgole le wena, e bile pelo ya gagwe ga e thata go wena. Tia mo thapelong ka gobane ka mehla, le gare ga boroko le gare ga manyami a gago, Modimo o na le wena. Ge a go fa tlhohlo nnyane, o a bopa gore o mo lokele.
Bjalo o se ke wa lahla tshepo. O fetile dilo tše ntši gomme e be a le gona. O tla ba le wena go fihlela o hwa.' Mantšu a gagwe a ile a mpha maatla. Ee, ke tšona dilo tšeo tše pedi tše di mphago maatla. Ke bagwera ba ka le tumelo ya ka.
Go Hwetša Thušo
Gomme bjale, ke direle selo ka bothata bja Lennox. Yena ga a tsebe, eupša ka Mošopologo bašomi bja leago ba tlo mo tšea gomme ba mo iše sepetleleng sa Lentegeur Psychiatric. Ke ile ka boledišana ka taba ye le morwedi wa gagwe gomme re dumelane gore go swanetše go direga eng, e bile re rulagantše. Se se tlo nthuša kudu.
O a tsebe, gare ga dilo kamoka tše bose bophelong bja ka, go na le selo se se tee se se nthabišago. Ke gore tlaišego ya ka ga e bonale mo go nna. Ke rata sebopego sa ka, ka ge se a tshepiša. Ke nna fela yo a tsebaga boemo bjo ke lego gare ga bona. Batho ba bagwe ga ba kgone go bona selo, le ge ba ka ntebelela.
O a tseba, go be go le botse go bolela ka dilo tše kamoka. Go boima eupša ke rata go belela ka yona. Ka mehla ge ke bolela ka yona, go ba kaone. Go a nthuša go bolela ka setori sa ka.
Translated by Lebogang Sewela