Ku vaviseka lokukulu
Hi May 2001, mukhukhu wa mina wutshwile wuku lohloo, na hinkwaswo leswi ari na swona. Ndzilo wusungule enyangweni naswona loko ahilo nghena ahitava hi pfalelekile endzeni kutani hi lova loko akungari na munhu wa musamariya wa musa loyi anga vona malangavi kutani a pfula nyangwa hile handle leswaku hita kota kuhuma.
Ndzilo i khombo leringa mifikelaka nkarhi wihi na wihi loko mitshama eka mukhukhu. Laha akuna gezi naswona loko ku tirhisiwa xitofu xa parafini kumbe khandlhela riwela e hansi, sweswo swinga hisa mukhukhu. Hinkwaswo switshwa kusuka ehansi kusala kungari na nchumu hinkarhi lowuntsongo swinene.
Akuna nkarhi waku mita yimela vanhu va switima ndzilo kufika hikuva vata kuma kulo sala nkuma naswona kutava hava nkarhi waku humela e handle. Lexi chavisaka ngopfu iku pfuka hikuma mukhukhu wuri eku tshweni laha hinga tsandzekaka ku humela e handle kumbe ku pfula rivanti hinkarhi.
Leswi swi humelele vanhu votala swinene naswona anmina switshame swilava kundzi humelela. Ndzi lahlekeriwe hi swilo hinkwaswo kukatsa na pasi xikan’we na swiambalo eka ndzilo walowo. Aswi chavisa swinene, aswinga amukeleki. Kambe leswi swive dyondzo ya kahle eka mina na kundzi hlohletela.
Kuhisekela kunavela
Musa wa musamariya undzi nyikile maplanga yotata lorileswaku vananga vata endla wun’wana mukhukhu naswona leswi swi khumbe mbilu ya mina hikwalaho ka tintswalo ta yena, kambe kusukela kwalano mukhukhu awunga ringanelanga. 'Ndzi fanele kuva ndzi kuma yindlu leyi akiweke hi switina,' Ndzi byela Anthony na Phyllis.
'Andzi lavi kutshwela endzeni ka mukhukhu.' Leswi swahari kunavela lokukulu eka mina. Ndzi ringeta hi matimba swinene leswaku ndzi kuma yindlu ya mina ndzi nga se lova. Leswi swita vula leswaku kuva na ndzhawu leyi ndzi hlayisekeke nakuva na ndzhuti. Andzi lavi ku fa ndziri xisiwana, endlwini ya xisiwana.
Kahle kahle, xa kahle kutava ku fa loko ndziri na kutlula 90 wa malembe, hikuva ndzi lava ku hetisa yindlu kutani ndzi tshama eka yona malembe nyana. Ndza kombela, Xikwembu, ndzi kombela ku hanya kufikela ndziva na malembe yaku tlula 90, leswaku ndzi ta endla leswaku swihumelela!