Go aga Mokhukhu
Re tlile mo Crossroads go tlo aga mokhukhu. Re be swanetše go kgaola mehlare ka panga, gore re kgone go ba le sekgoba sa go aga mokhukhu. Re be re sa tsebe go wo dira, eupša nna le Nomhle re ile ra ithuta go bašemaneng ba bangwe fao. Ba be ba direle mekhukhu ya bona ka dikgati le diripa tše kgolo tša dikgong (canvas) tša seporo.
Re hweditše diripa tša go swana le tšeo mo matlakaleng. Batho ba bangwe ba be ba sa di rate ka gobane di be di robegile, eupša rena re di šomišitše. Ge re hwetša seripa se se nnyane, re be re tšea motato e be re e rokella mo seripeng se se golo. Ge go be go na le moya, dikgolo di be di fofa. Ge ke nagaba taba ye, ya segiša.
Re be re sa kgone go reka malo, bjalo re ile ra hwetša lebati la legong mo matlakaleng gomme ra wo bea godimo ga dithini gore o se kgome fase e be re bea mapai godimo. Go be go se na materasa. Re tšere mapai mo matlakaleng gomme e be re a hlatšwa gore re a bea godimo ga rena le bana. Re be re bitša malao a 'malao a maplanka'.
Re be re na le a ma nne ka gare ga mokhukhu wa rena, go be go na le motho yo mogolo le ngwana mo malong o tee. Re hweditše mapai a mantši mo matlakaleng bjalo re be re sa kwe phefo, le ge e le mariga.
Go dira setofo sa go apea, re ile ra hwetša thini mo matlakeleng e be re dira masoba ka setshopakurufu. Ke bone bagwera ba ka ba na le setofo se se bjalo; e be ke ba botšiša gore ba se direle bjang gomme e ba ba mpontšha. Ge motho a ka utswa thini gare ga letšatši ge re se gona, re be re kgona go hwetša thini ye nngwe.
Translated by Lebogang Sewela