Kwakha uMkhukhu
Sefika etigangeni kutsi sitokwakha imikhukhu. Kwadzinga kutsisijube tihlahla nga panga, kuze sitokhona kwenta sikhala sekwakha umkhukhu. Besingati kutsi wentiwa njani, kepha Nomhle kanye nami safundza kubafana lebebalapho. Bebakadze bakhe wabo umkhukhu ngetintfunga kanye nange canvas lenkhulu lensundvu yesitimela.
Satfola incenye lefana naleyo endzaweni yekulahlela tibi. Labanye bantfu bebangayitsandzi lencavas ngoba beyephukile, kepha sayisebentisa. Uma sitfola incenye lencane, besitsatsa lokunye kwayo, satsatsa luhwayela salutfungela kulencenye lenkhulu. Kutsi nakufika umoya, lencavas ivele iphephuke. Nangikhumbula, ngivele ngihleke.
Asikhonanga kutsenga umbhedze, ngako satfola sivalo sesigodvo endzaweni yekulahlela sasibeka etikwetitini sentela kutsi singabi phansi emhlabatsini, sase sifaka tingubu etulu kwaso. Bekute matrasi. Satsatsa naletingubo lapho kulahlwa khona, satiwasha sasesiyatimbatsa, labadzala nalabantfwana.
Sasibita lemibhedze yetfu ʹimibhedze yemapulangoʹ. Sasinalemine kumkhukhu wetfu, kumunye umbhedze bekuba nalomdzala nemntfwana. Satfola tingubo letiningi lapho kulahlwa khona ngakoke sasingaweva emakhata, ngisho nasebusika. Kwakha sitofu sekupheka, satfola sikotela lesikhulu lapho kulahlwa khona savula timbobo kuso ngesikuludrayiva.
Ngabona bangani bami basebentisa sitovu lesikanjalo ngase ngiyabuta kutsi basente njani, base bayangibonisa. Uma ngabe kukhona loweba lesikotela ngekuhamba kwelilanga, nasingekho, besivele sihambe siye lapho kulahlwa khona siyotfola lesinye sikotela.
Translated by Phindile Malotana