Kuwashwa kwesi Beletfo
Ngonyaka wango 1960, umntfana wami wokucala, Mthuthuzeli watalwa, washona anetinyanga letisi tfupha. Umntfane sibili kanye newesitsatfu nabo bashona emuva kwetinyanga letimbalwa bataliwe.
Angati kanjani kodva beku njalo ngaleto tikhatsi,bantfana labaningi bekadze bashona.
Bewungalitfoli likhambi lekungulona esibhedlela, njenga namuhla, ngiyabona sizatfu nguleso. Kushona kwebantfana bami kababili bekubuhlungu kakhulu, kodva Gogo wangitjela kutsi ngingakhatsateki.
Abetsi kufana nokutsi uwashisisa sibeletfo sakho, usiwashela labo bantfana labalandzelako ksasa, emagama akhe angisita kakhulu.
Emalanga Ekukhunjulwa
Bekungu mnyaka wango 1964 lapho khona ngatfola umntfana, ligama lakhe kungu Olive, ngomunyaka wangu 1966 ngatfola lomunye, Phyllis, lokunguye lohlanganisa umnyaka welishumi nesihlanu aphila negciwane lembulalave.
Kenneth watalwa ngomnyaka wango 1969 kanye na Prudence, lowashona njenga Olive,yena watalwa iminyaka lemibili emuva kwako konkhe loko.
Ngomnyaka wango 1972 ngangenwa kudzelela. Akekho lodzinga kutsi abe nebantfana labane, kodva ngatfola wesihlanu, Anthony futsi ngo 1975 ngatfola Lennox. Yebo,ngikhumbua kahle,ngikhumbula konkhe lokwenteka emndenini wami kanye nemalanga akhona, amalanga okutalwa namalanga okushonelwa.
Kulamalanga nginokukhohlwa ngesinye sikhatsi, ngingafihla intfo namuhla kusasa angisayati kutsi ngiyi fihlekuphi. Kodva emalanga lahambelana nemndeni wami, ngikhumbula kahle yonkhe intfo.
Translated by Thandokuhle Motha