U ḓa ha thuso
Musi ndi tshi khou dzula Eastern Cape, ndo vha ndi ṅwana ane a rasa nda thoma u fhumula, madededzi anga athoma u zwivhona. Thohoyatshikolo vha mmbzela ofisini yavho vha tshi khou itela u mmbudzisa uri mulandu. Nda vha vhudza uri ndi dzula ndi tshi khou rwiwa hayani, vha ri vha ḓo nwalela vhurifhi mmeanga. 'ni ḓise ḓiresi yavho,' vha humbela.
Ho vha hu sina nḓila ine ndo vha ndi tshi nga humbela makhulu wanga ḓirisi ya mmeanga, fhedzi nda zwiḓivha uri kha ṱiromele ya mmeanga huna marifhi ane vho a dzumba ane mmeanga vha vha nwalela . Ḓuvha ḽinwe, nga u ṱavhanya nda i vula nda kopolola ḓiresi. Thohoyatshikolo vha nwalela mme wanga vhurifhi nga u tou ralo.
Mme anga vha vhona uri ndi khwiṋe ndi tshi dzula navho Cape Town. zwo vha zwi songo leluwa, ngauri makhulu wanga vho vha vha sa khou zwifuna. Mme anga vho tou humbela madededzi uri vha ye u amba navho, fhedzi zwa fhedza zwo luga, ra ya kha mme anga nga tshidimela. Ndo vha ndo vhofholowa uvha na mme anga hafhu.
Fhedzi minwaha heiḽa ya usa takala yo vha yo no ndzhena lune na musi ndi Cape Town, ndo vha ndi songo takala. Nda ya kha sibadela tsha Groote Schuur kha zwa psychiatric department, he nda fhiwa hone dzi philisi. Ndi vhona unga ndo vha ndi tshi khou lafhelwa mutsiko.