Irhelebho esandleni
Lokha ngihlala eKapa, ngangimntwana onetjhada kodwana ngokukhamba kwesikhathi ngathoma ngathula, utitjhere wathoma ukutjheja umtlhagwami.
Uhlokokhulu wangibizele e ofisini lakhe wangibuza bona konakelephi? Ngamtjela bona ngiyabetjhwa ekhaya wathi kimi uzokutlolela umma incwadi. ’Ngibawa ungizele ne adresi yakhe’, wangibawa. Bengeze ngabawa ugogo I adresi, kodwana bengazi bona unompako wencwadi ezibuya kumma azifihle ekhistinakhe.
Ngelinye ilanga, ngayivula masinya ngakhupha iincwadezo, ngatlola I adresi. Uhlokokulu watlolela umma incwadi, kwabanjalo ke. Umma wathatha isiqunto sokobana ngize kuye eKapa. Kwakungasilula, ngombana ugogo khange avume. Umma wabawa utitjhere bona ayokukhuluma naye. Ngaphetha ngokobana ngikhambe ngibuyele kumma, ngestimela.
Ngathaba khulu ukuba naye godu. Kodwana iminyaka yokungathabi, nokuzinyaza gade ingidlile, okwenza bona nanyana ngiseKapa, gade ngingakathabi.
Ngaya esibhedlela i-Groote Schuur emnyangweni yezomkhumbulo/-psychiatric department, lapha banginikeza amapele amhlophe. Ngiqabanga bona ngesikhatheso gade bengilaphela ubulwelwe bokugandeleleka ngokomkhumbulo.
Translated by Busisiwe Skhosana