Seatla Sa Thušo
Ge ke be ke dula Eastern cape, ke be ke le ngwana wa go rata lešata eupša ke ile ka thoma go didimala, gomme morutiši wa ka a thoma go lemoga mathata a ka. Hlogo ya sekolo e ile ya mpitša ka kantorong ya gagwe go mpotšiša gore ke eng bothata. Ke ile ka mmotša ka taba ya go bethwa.
'O ile a kgopela aterese ya mo mme a dulago'. Go be go se na tsela yeo nka kgopelago koko aterese, eupša ke be ke tseba gore o bile le mangwalo a go tšwa go mma ao a fihlilego gare ga serobe. Ka letšatši le lengwe, ke ile ka e bula gomme ka ntšha mangwalo ka kopiša aterese. Hlogo ya sekolo o ile a ngwalela mma gomme go ile gwa ba bjalo.
Mme o ile a tšea sephetho gore ke tle go yena mo Cape Town. Go be go se bonolo, ka gobane makgolo o be a gana ke sepela. Mma waka o ile a swanela go kgopela morutiši waka gore a ye go bolela le yena. Eupša mafelelong ke ile ka sepela, ka boela morago go mme wa ka ka terene. Ke be ke imologile kudu go ba le yena gape.
Eupša mengwaga ya bohloko le pelaelo ile ya nkeja kudu bjale le mo Cape Town, ke be ke se gabotse. Ke ile ka ya Sepetlele sa Groote Schuur go Kgoro ya monagano, moo ke filwego pilisi ye šweu. Ke nagana gore ka nako yeo, ke ile ka alafiwa kgatelelo ya mogopolo.
Translated by Lebogang Sewela