Luhu la Zolile Mdaka
Ka ngwaga wa1976, ka April 13, bophelo bja ka bo ile bja fetoga go ya go ile. Ge barwa ba ka Anthony o be a na le mengwaga ye meraro gomme Lennox o be a fetile fela ngwaga yo motee, monna waka o ile a hlokafala. Setifikeiti sa gagwe se re o bolaile ka (chronic renal failure). Ke be ke le mo Tsolo mo Eastern Cape ka nako yeo.
Ke be ke le fao dikgwedi tše mmalwa e bile a ka dinako tšeo go be go se na dilla-thekeng bjale re be re boledišana ka mangwala. Zolile O be a le mošomi wa dipetrolo mo tseleng ya Durban mo Bellville. Morago ga dibeke tše mmalwa ke le mo Tsolo, buti wa gagwe o ile a romela lengwalo a re, ke swanetše go boela Cape Town ka gobane Zolile o a lwala.
Ka letšatši le ke fehlilego ka lona Zolile o ile a hwa. Ge ke fihla sepetlela mme waka o be a emetše go mpotša. E be e le iri ya bošupa boše ge ke gopela botse. O be a le fao le bo mmane, ba be ba emetše go mpotša gore monna waka o hwile. Oh, ke ile ka kwa bohloko kudu.
Go Lahlegeka ke Barwa ka Lebaka le Bošoro
Mathomong a ngwaga wa 1978, ke be ke na le lesogana, Julius, gomme re be re na le morwa Nathaniel, moraga ga sebaka nnyana ra ba le morwa wa bobedi, Samuel. Ba be ba le bašamane ba ba e swerego gabotse. Ge setše ba godile Nathaniel o ile a ba e be a thoma go nkageka ntlo.
Ka letšatši le lengwe motseng wa mogwera wa gagwe, ba nwa e bile ba ipshina. Ge Anthony a ya go ba le yena, Nathaniel o ile a rekela buti wa gagwe sa go nwa. Bagwera ba gagwe ba be ba nwa e bile ba mo latofatša ba re o a ba hlokomologa gomme o mongwe wa bona a mo hlana ka thipa a hwa. O be a na le mengwaga ye masomepedi nne.
Ditlamorago Tša Lehu
Nathaniel o be a nthuša ka dilo tše ntši. Ge a se no hwa, ke be ke palelwa ke go dira dilo tše ntši. Bjale, ka gare ga khitši ya ntlo ya ka ga go na sinki goba pompi goba pholampara. Ge re be re nyaka go hlatšwa dibjana le diaparo tša rena, re be re swanetše go ya pomping ye e lego pele ga lamati la ka pele.
Ke na le sekotlolo sa bohlapelo sa mmala yo mo tala – seo ke se se reketšego ke morwedi waka, - eupša ga ke so be le tšhelete ya go se lokela, se no ba se dutše ka mo phapošing ya bohlapelo bjalo ka tlou e kgolo e tala e bile se tšea sekggoba kamoka.
Šoro Ye Nngwe
Pelo ya ka e be e le bohloko ge Nathaniel a hwa. Morago ga lehu la Nathaniel, Samuel e be e le yena fela yo a šomago. O be a na le mošomo wa kontraka ya go aga. 'Ma, seripagare sa borotho se kaone go feta go hloka borotho,' o be a hlwa a re bjalo go nna. 'O gopolo gore ke a šoma ka gobane ke nyaka go wo thuša.' Ge a kwa gore lehu Nathaniel le hloka R2900, Samuel o ile a ntlišetša R3000 e be a mpotša a re: 'go kaone gore o llele lehu la buti waka, Mma.
Ga ke nyake gore o llela theko ya lehu la gagwe.' O be a se tsebe gore go latela yena. Napile, ngwana waka wa mafelelo Samuel, ba mo hlaba ka thipa a hwa. O be a na le mengwaga ye masomepedi pedi. Ke nnete, barwa ba ka ba babedi ba ile ba hlabiwa gomme ba hwa. Se se diraga go banna ba ba nnyane ba bantši mo motseng wa rena. Se direga ge ba nwa e be ba dula ka ntle go fihlela e ba bošego; gantši ba lwela basetsana. Bontši bja bona ba na le di thipa, bjale ge ba lwa ba feleletša ba ba šoro. Matšatšing a, e bile ba na le dithunya.
Translated by Lebogang Sewela