Kushona kuka Zolile Mdaka
Ngomnyaka wango 1976/13/04 imphilo yami yashinja komphela. Ngesikhatsi Anthony loneminyaka lemitsatfu, na Lennox anemunyaka lowodva, indvodza yami yashona.Sitifiketi sakhe sokufa satsi ushone ngoku feyila kwe tinso takhe. Bengise Tsolo endzaweni yase Eastern Cape ngaleso sikhatsi. Bengibanabo ngetinyanga letitsite letimbalwa, Leso sikhatsi bomahlala ekhukhwini bebangekho, besichumana ngetincwadzi.
Zolile bekasebenta emgacweni wase Thekwini,asebenta njenge metsi woGazolo. Emuva kwemaviki lambalwa ngifike eTsolo, umfowabo wangitfumela incwadzi letsi ngibuye ekhaya ngoba Zolile agula, ngalelo langa Zolile washona. Mangifika esibhedlela ngahlangabetwa nguMake alindze kungatisa. Bekuli hora lesikhombisa ebusuku,loko ngikukhumbula kahle. Bekadze baphelele nabo anti kungatisa kutsi indvodza yami ayisekho emhlabeni, kwakubuhlungu loko kimi.
Kulahlekelwa Bantfana Ngesihlungu
Ekucaleni konyaka wango 1978 bengine mutfu lebengitsandzana naye, Julius, futsi sinemntfana wemfana, Nathaniel, emuva kwalokho sinemntfana wesibili, Samuel, bakhula kungabafana labatiphatsa kahle. Nathaniel angu makhi wemaphayiphi asendlini,kantsi wangakhela nendlu yami.
Ngelinye lemalanga Nathaniel asendlini yomngani banatsa tjwala futsi bajabulile, Anthony weta naye kutoba nabo, Nathaniel wamtsengela naye tjwala kutsi banatse bonkhe. Bangani bakhe bebadzakiwe, batsi uyatijela, lomunye wabo wamgwaza washona aneminyaka lelishumi lamabili nesine.
Imitselela Yokufa
Nathaniel bekangentela konkhe lokusemandleni akhe kungisita, ngako indlu yami ayinayo impopi kanye nakokonkhe lokudzinga emaphayiphi ekhishini.
Kuwasha titja kanye netindvango kumele siphume ngemnyango wange mbili. Ngine bhavu lokugeza lelikhulu lelinsundvu. Kodva alikafakwa ngoba lidla indzawo.
Sigameko Siyehla Futsi
Inhlitiyo yami beyibuhlungu kakhulu Nathaniel makashona.Bekusele Samuel yedva losebentako. Abenomsebenti wesivumelwane sesikhatsi lesitsite asebenta, abetsi kimi sinkhwa lesisemkhatsini sincono kungabi nesikhwa ngisho, abengikhumbuta nokutsi usebentela mine.
Makeva kutsi umngcwabo waNathaniel utobita kangango R2900, Samuel wangiletsela I R3000, wangicwayisa kutsi ngikhale ngikhalele umfowetfu, nginga khaliswa netindleko. Abengati kutsi kutolandzela yena, Samuel yena bamgwaza naye bambulala aneminyaka lelishumi lesibili nakubili. Yebo emadvodzana ami agwazwa abulawa womabili.
Loko kwenteka kubantfu labaningi ngase ndzaweni yetfu, kwenteka mabanatsa tjwala kuze kube sebusuku, esikhatsini lesiningi balwiswa ngemantfombatane. Labaningi babo baphatsa imikhwa, makuliwa kubanesihlungu, futsi kulama langa lawa baphatsa netibhamu.
Translated by Thandokuhle Motha