U Shuma ho no Laṱewa Mashika
Zwiambaro zwa kale, maplastic a ufara zwiḽiwa mavhengeleni,zwiḽiwa zwo tshinyalaho, khuhu dzo tshinyalaho,miroho, tshinwe tshifhinga na dzi mmbwa dzo tshinyalaho — zwo vha zwi tshi lwaṱwa tsini na thavha, zwi tshi ya kule hune zwi sa vhonale. Fhedzi ni tshi kha ḓi vha kule, ni a zwi pfa nga munukho.
Ḓuvha ḽa u tou thoma, ri tshi khou ya henefho hune ha laṱelwa hone ndi na vhanwe vhafumkaadzi, ndo lwala ḓuvha ḽoṱhe, munukho houḽa wo vha u si wavhuḓi. Lwa minwaha ya 10, ubva nga 1972 uya kha 1982, ro vha ri tshi shuma henefho. Mushumo washu ho vha hu u dobela maboḓelo o kwashea, mabodo na ma plastic ra rengisela vhane vha ita zwa recycling vha mu Indian vhane vha vhidzwa upfi Mr Faro, vhane vha vha vho ima mathomoni a mashika.
Nga ḓuvha ḽavhuḓi ndo vha ndi tshi swikisa R30. Nda renga vhurotho, paraffin — zwo vha zwi tshi ita randa — rice na mugayo. Nga manwe maḓuvha ro vha ri tshi nga ita tshelede ine ra kona u tou renga rice fhedzi. Ho vha hu sina zwa ṋama na miroho, tshelede ya hezwo yo vha isiho. Arali nda sa ya hangei mashikani hu vha hu sina zwiḽiwa nḓuni.
Na musi hu mafhelo a vhege arali nda sa ya a hunga vhi na zwiḽiwa. Arali ni na vhana vha dzulela u ṱoḓa zwiḽiwa. Zwine zwa amba uri ni fanela u dzula ni khou renga tshithu tshithihi tshifhinga tshoṱhe. Vhanwe vha vhafumakadzi vho vha vha tshi hwala zwiḽiwa zwine vha vha vha vho zwi wana mashikani vha ṱuwa nazwo hayani, nṋe ndo vha ndi sa zwiiti, naluthihi.
Zwishumiswa
Ḽinwe ḓuvha ndo vhona vhathu vha tshi khou doba zwiambaro mashikani, na nṋe nda thoma u zwiita. Ubva zwezwo vhananga vha thoma u ambara zwiambaro zwine nda vha ndo zwi wana hanengei. Ro vha ri tshi zwi dzhia ra zwikuvha. Musi muḓuhulu wanga Nosanelisiwe a tshi bebiwa, ndo vhuya nda wana bege khulwane yo ḓala nga maḽeri a u kuvhiwa, nda a kuvha uri na riṋe ri ashumise.
Tshinwe tshifhinga vhathu vha tshena vho vha a tshi vhea hezwi zwithu kha dzi bege dza vhuḓi, ra vha ri tshi zwi wana na misemelo na dzi nguvho, zwo petiwa zwavhuḓi. Ndi tshi ḓi vhudzisa uri ndi ngani vho zwi laṱa, ngauri ndi zwithu zwa vhuḓi. Ro vha rina zwithu zwiṱuku, fhedzi ndo vha ndi na zwiambaro zwinzhi, zwe nda zwi wana mashikani, ri tshi tou ambara sa vhafumakadzi ra naka. Musi ri tshi shuma mashikani, ro vha ri sa lwi, ri tshi dzula ri tshi khou sea.
Munwe ovha atshi ḓo amba zwinwe, munwe a amba zwinwe, ra sea. Munwe uḓo doba tshinwe, khamusi tshiambaro,ari, 'Mrs Skefile, dzhiani hetshi ndi tshaṋu.' Zwo vha zwi zwavhuḓi, naho ho vha hu tshi khou nukha. Ni fanela u ḓi vhudza nga zwine na vha zwone naho ni sina tshithu, na shumisa zwe Mudzimu ani fha zwone.
Translated by Khalirendwe Nekhavhambe