U Rwiwa nga Lupenyo
Ḽinwe ḓuvha, ndo ruma ṅwananga muṱuku, Phumie, vhengeleni u renga vhurotho na swigiri. Musi atshi khou vhuya atshi khou tshimbila nga ndila ine ya vha na mahatsi malapfu, mvula ya thoma una. Nga u ṱavhanya, ha thoma uvha na dzi phenyo. Ambo ḓi rwiwa nga nḓadzi, o vha ana makole a 18.
Vhathu vha thoma u gidimela nḓuni yanga vha ri vho muvhona a tshi khou gidima, vha muvhona hafhu atshi khou wela fhasi. ‘ Goldie, ri khou lila na inwi,’ vha ralo. ‘u hafhaḽa, nṱha ha thavha.’ Musi ri tshi swika khae, o vha o no lovha. Uḓo vha o lovha atshi tou fhedza u rwiwa nga nḓadzi. Huna khombo ya u rwiwa nga lupenyo tshilimo kha ḽa Eastern Cape.
Nazwino, musi ndi tshi humela nga nwedzi wa Ṱhafamuhwe, ndo pfa hu tshi pfi zwo itea kha vhanwe vhathu. Ndi zwithu zwine ra tshila nazwo. Fhedzi unga si zwi lugisele hezwo zwithu kha muṱa wau. Lufu lu nga vha lo ḓala, fhedzi alu ḓowelei.
U Thoma u Lora Hafhu
Musi vhanavhanga vhavhili vha tshi lovha nga HIV/Aids, ndo ri, 'mulandu kha nṋe, tshifhinga tshoṱhe? Ndi ngani hu tshi nga ha vhuya ha fhela miṅwaha mivhili munwe wa vhana vhanga u fanela u lovha? Mulandu kha nṋe ?' ndo aluswa nga ndila i konḓaho, ndi dzulela u ita zwithu nga nḓila, ndi sa koni u vhona uri ndi ngani vhuṱungu ovhu vhu tshi ḓa kha nṋe.
Kha mbilu yanga nda thoma u swaya phoso vhabebi vhanga, ngauri ndo vha ndi sa ṱoḓi u maliwa. Ndo vha ndi tshi ḓi funela uvha muongi kana u gudisa tshikoloni, fhedzi munna wanga ovha asa tendi. Zwino ndo vha ndi tshihumbula, 'zwino ndi na vhana na hoyu munna vha khou sokou lovha.
Ndi nga mini ndo vha na hezwi zwithu?' naho ndo vha ndi tshi khou ṱangana na u ḓaḓa, ndo vha ndi tshi zwiḓivha uri munna wanga ndi munna wa vhukuma. Na ene ovha o ḓaḓa uri vhana vha khou sokou lovha. Fhedzi lufu lwo mmbaisa vhukuma. Ndo vha ndi tshi dzula hayani ḓuvha ḽoṱhe, nda dzula ndi khou sokou humbula, ndo ima fhethu huthihi kha vhuṱungu hanga. Ndo vha ndi sa vhuyi nda humbula na zwiḽiwa.
Ndi sa ṱoḓi u vhona vhanwe vhathu. Ndi ḓo vuwa nda vha ndi tshi khou kuvha ndi tshi khou kulumaga nnḓu na dzharaṱa, fhedzi ndi tshi fhedza mishumo yanga nda ya nḓuni nda eḓela. Ndi tshi zwiḓivha uri ṱhoho yanga yo vha isi yavhuḓi. Nga u ṱavhanya, nda zwihumbula uri zwimwe zwithu zwi khou fanela u shanduka. 'ndi khou ita mini, u sokou dzula afha ḓuvha ḽoṱhe, hu sina zwine nda khou ita?' nda ḓi vhudzisa. 'ndi nga si ise phanḓa ngaurali.
Ndi fanela u humela Cape Town ndi yo vha na munna wanga. Ri fanela u amba roṱhe ra vhonisana uri ri khou a fanela u ita mini.’ Nda mbo ḓi vha na muḽoro wa u thoma bindu ḽanga. Nda humela Cape Town, nda humbela Otto uri a nthengele mutshini wa u runga wa maḓuvha ano nda thoma bindu ḽanga sa zwe nda ḽi ḽorisa zwone.
U Fhola ri Rothe
Kanzhi nga madekwana, ri vhala bivhili roṱhe. Verese ye ya ri ṱuṱuwedza nga maanḓa ho vha hu Timoteo, he aḓo amba zwithu zwo no nga hezwi, 'nga tshifhinga tshiḓaho, musi Yesu atshi vhuya, vhana avha nga pfi. Hu ḓo vha na u lovha ha vhathu vhanzhi.
Vhathu vha ḓo funesa tshelede.' Ra humbula, mulandu ri tshi humbula nga hezwi zwithu zwoṱhe ngeno mudzimu vho ri fha bivhili, ine a i sokou vha bugu zwayo? Yo nwalwa nga vhaporofita. Na zwoṱhe zwine zwa khou itea zwo ṅwaliwa nga vhaporofita.' Ra thoma u takala. Nda isa phanḓa na u runga u lila ha fhela.
Translated by Khalirendwe Nekhavhambe