Alicia Mdaka
Makhadzi wanga Robina na vho vha vha tshi dzula na riṋe nḓuni ya makhulu wanga mahayani, na vhana vhavho. Ḓuvha na ḓuvha vho vha vha tshi dzula vha tshi khou nrasela, vha tshi nthwa hu sina zwe nda ita. Vhana vhavho ndi vhone vhane vho vha vha sa khakhi fhedzi hu sina zwivhuya zwine vha khou ita, naho huna uri ndo vha ndi tshi khou kona u ita mishumo yanga ya nḓuni, u hama dzi kholomo na u thusa masimuni. Zwinwe zwe zwa vha vhuya zwa itea.
Zwi a ntseisa musi ndi tshi zwihumbula. Ndo vha ndo rumiwa mavhengeleni nda khakhiswa nḓilani, nda ita zwa u tamba bola. Ndi tshi swika hayani makhulu wanga vha ntsemela uvhuya hayani vhusiku. Manwe a maipfi avho o vha atshi khou vhavha. 'ni a ḓivha ndi mini muḓuhulu wanga?
Muthu ano vuwa nga matsheloni ndi ene ono wana zwivhungu zwihulwane,' vha mmbudza. Nda dzhia maipfi avho nda avhea mbiluni, nahone nga u ṱavhanya, hu sina muthu we avha o tsedza, nda ya nda vha ndi tshi khou gwa mavuni, ndi tshi khou ṱoḓana na tshivhungu tsho khwaṱhaho. Ngoho ndi ya uri , nda sa ḓivhi uri vha khou amba nga ha mini.
Fhedzi heiḽa minwaha yo vha i tshi konḓa hu sina dakalo,ndi tshi dzulela u ḓi vhudzisa. Vhanwe vhana vho takala na vho makhulu wavho. Mulandu nne ndi songo takala?' nda thoma u ḓi vhudzisa. 'huna tshinwe tsho khakheaho nga nṋe na? ndi khou tshilela mini? Ndo bebelwa mini?'
Nothando Kbukeli
Nṋe ndo hula ndi tshi ṱhogomela zwifuwo zwa khotsi anga mbudzi, nngu na kholomo thavhani hune ha havha na tsimu yavho, Kleinplaas, tsini na Cradock kha ḽa Eastern Cape. Ho vha hu bulasi ḽihulwane, huna zwipuka zwo no swika 100. Nṋe na mukomana wanga ro vha ri tshi zwi ṱhogomela roṱhe nahone ro takala.
Kha nṋe u vha muṱuku zwo vha zwithu zwavhuḓi. Khotsi anga vho vha vho pfuma ngauri vho vha vha na zwifuwo zwinzhi. Khaladzi anga ovha ono ya kha ḽa Johannesburg u ṱoḓa mushumo, zwa sia zwifuwo zwi tshi khou ṱhogomelwa nga nṋe fhedzi na mukomana wanga. Khotsi anga vho nbvisa tshikoloni ndi tshi tou fhedza murole wa vhuraru, uri ndi vha thuse.
Mme anga vho vha vha songo takala na luthihi. Vha ri, 'ni khou fanela uya tshikoloni ngauri ni ḓo ṱoḓa pfunzo vhutshiloni haṋu.' Fhedzi khotsi anga vhane vho vha vha tshi mpfuna vhukuma, vha hana vha ri kha ndi lavhelesane na zwifuwo.
Tenjiwe Tutu
Arali ni vhana vho ṱanganelanaho ni tshi bva kha muḓi muhulwane, musi tshithu tshi tshinyala hu pomokiwa inwi. Nahone ni ṅwana ani pfesesi uri mulandu. Makhadzi wanga vho vha vha na ṅwana wa mutukana we avha atshi fhira mukomana wanga zwiṱuku, o vha a mutukana asa pfiho na luthihi.
Musi vha tshi khou tamba vhoṱhe o vha atshi murwa, a tshi khou tou ita nga khole ngauri ovha a muṱuku khae a lila aya kha makhadzi wanga. Vhasa vhe na ndavha nazwo mbilu yanga yo vha i tshi vhavhela Nothemba. Ho vha huna munwe wa musidzana we avha atshi mphira nṋe nahone atshi zwifha vhukuma.
Atshi vhudza makhadzi wanga uri nṋe ndo amba mazwifhi nga vho na uri ndi dzula ndi na vhatukana. Makhadzi wanga vha tshi dzhia ṱhamu vha nthwa, hu si luthihi u swika ndi tshi tou lala fhasi.
Translated by Khalirendwe Nekhavhambe