U Alicia Mdaka
Abokgaribami uRobina kanye noTheresa gade bahlala nathi emzini kagogo wedaka, nabantwababo.Ngelinye nelinye ilanga, gade bangikgarameja, bangiwahlela zoke izinto engingakazenzi. Abantwababo gade babonwa njengabamsulwa, kodwana mina kwakungekho okulungileko engikwenzako emehlwenabo, nanyana bengizama ngamandla ukwenza umsebenzami, ngisenga iinkomo ngirhelebha nokupeta emasimini.
Kunenye into eyenzeka ngelinye ilanga, nangiyikhumbulako kwanjesi iyangihlekisa Bangithuma evikilini ngaphazamiseka endleleni nangibuyako, ngadlala ibholo.Nangifika ekhaya ugogo wangitjhumayeza ngokubuya lada. Amanye amezwakhe ngisawakhumbula nanje. ‘Uyazi yini mntwanomntwanami? Inyoni evuka ekuseni ibamba isbungu esinonileko’, wangitjela lokho.
Ngafaka amezwakhe ehliziyweni, msinya ngemva kwalokho, lokha bangakatjheji, ngakhamba ngayokwemba ehlabathini, ngiyokuzuma isbungu esinone khulu.Eqinisweni, ngangingazi bona ukhuluma ngani.
Kodwana, Maye! Iminyaka leyo beyibuhlungu begodu bengingakathabi, beyingenza ngizibuze bona ”Abanye abentwana bathabile nabogogwabo, kodwana kuba yini mina ngingakathabi” ngazibuza. 'Ikhona into embi engiyenzileko? Ngiphilelani? Ngibelethelweni?'
UNothando Kbukeli
Ngakhula ngilusa iimbuzi zikababa,izimvu kanye nenkomo entabeni zeplasini lakhe, e Kleinplaas, eduze kwe Cradock esiphandeni se Eastern Cape. Kwakuliplasi elikhulu, elinenlwana ezimakhulu khulu. Abodadwethu kanye nami, besizilusa, begodu sithabile. Kimi, ukukhula kwami gade kumnandi.
Ubaba gade ayindoda esigwili, ngombana kade anevuyo enengi. Umnankwethu gade aye eJwanisbhege ayokufuna umsebenzi, okwenza bona kusale mina kanye nodadwethu bona siluse ifuyo le. Njeke ubaba wangikhupha eskolweni bona ngiyomrhelebha ukulusa ngemva kokobana ngiphase ibanga lesithathu.
Umma akhange simuthabise isenzo sakhesi Wathi, ’utlhoga ukuya eskolweni ngombana uzoyitlhoga ifundo esikhathini esizako epilwenakho’. Kodwana ubaba owayengithanda khulu, wangavumelani nalokho, wathi angiluse ifuyo yakhe.
UTenjiwe Tutu
Nanibantwana abavangeneko ebabuya emindeni eyahlukeneko, nihlala ndawonye, lokhana kokhona okwenzekako okumbi bakhomba wena. Begodu nawumntwana awuzwisisi bona kungebanga lani. UKgari waye nendodana egade iyidadlana kunodadwethu, begodu gade aganga kwamanikelela.
Nabadlala bobabili gade ambetha, ngombana gade amncani kunaye Walila waya kukgari, kodwana ukgari zange amtjheje. Ngamzwela ubuhlungu uNomathemba. Gade anenendodakazi edala kunami, begodu inamala khulu. Wayetjela ukgari bona ngikhulume kumbi ngaye, nokobana gade ngihlezi nabesana abanengi. Ukgari wathatha isgodo wangibetha ingasi kanye kodwana ngaze ngarabhalala phasi.
Translated by Busisiwe Skhosana