Umphezulu Ohlaza Kwesibhakabhaka
Ngelinye ilanga, ngathuma umntwanami evikilini, uPhumie bona ayokuthenga uburotho neswigiri.Wathi lokha nakabuyako akhamba etjanini obukhulu, izulu lathoma lana.
Masinya kwaba nomphezulu.Wabetjhwa mphezulu. Gade aneminyaka eyi-18. Abantu bagijima beza emzinami ngemva kwalokho, bathi bambonew agijima, bambona sele awela phasi. ’Oh Goldie! Siyaqolisa, batjho njalo, sele ahlongakele.’ Kutjho bona uhlongakele khonokho. Kuhlala kunengozi yokubetjhwa mphezulu ehlobo e Eastern Cape.
Ngitjho nanje, nangibuyele khona ngoNtaka, ngezwa bona kwenzakalele abanye abantu abambalwa. Sele kuyinto esiphila ngayo. Kodwana ngeze wathi gade ukulungiselele nakwenzeka emndeninakho Ukufa kuhlala kukhona kodwana akujwayeleki.
Ukuthoma Ukubhudanga
Ngemva kokobana abentwabami ababili bahlongakale ngebanga le ngogwana ye-HIV/Aids, ngathi kungebanga lani kungimi ngasosoke isikhathi? Kungebanga lani, ngakhuliswa ngaphasi kwesandla esiqinileko,ngihlala ngenza okulungileko, ngangingaboni bona kungebanga lani koke ukudanokho kuza kimi.
Ehlizwenami ngathoma ngasola ababelethi bami, ngombana ngangingafuni ukutjhada nasekuthomeni. Ngangifuna ukuba ngumongikazi nanyana utitjhere kodwana ubaba wakwami khange angivumele. Ngangiqabanga bona njeke nginabantwana nendoda le napa bayabhubha. Kodwana ngokubhubha kwabo ngabetheka iduma elingophiko.
Ngahlala ekhaya ilanga loke,ngihlezi ngiqabanga, ngihlezi ebuhlungwini.Ngangibhalelwa kudla,ngingafuni ukubona abanye abantu. Ngingihlanza izambatho zami, ngikulumage indlwami nejarida, ngithi nangiqedako, ngingene ngendlini ngilale. Ngangazi bona ehlokwenami kukhona okungakalungi, ngabona bona kukhona okufanele kutjhuguluke.
'Ngenzani,ngihlezi nje kwaphela ngedwa, ilanga loke, ngingenzi litho?' Ngazibuza. Angikwazi ukuragela phambili ngenza bunjesi Kufanele ngibuyele eKapa ngiyokuba nobaba wakwami. Kufanele sihlale sobabili sithathe isiqunto sokobana senzeni. Ngalahleka ebhudangweni lokuzithomela ikgwebo.
Ukuphola Soke
Entambama, sifunde ibhayibheli soke.Ivesi ebe isiduduza bekungeyakampostoli uTimothy, lapha athi, ekugcineni lokha uJesu eza, abentwana ngeze bezwa.
Kuzokufiwa khulu, abantu bazokuthanda imali. "Saqabanga bona kungebanga lani siqabanga zoke intwezi lokha uZimu asipha ibhayibheli, nekuyincwadi ebe ingakajwayeleki? Yabhalwa baprofethi, zoke izinto ezenzekako zitloliwe ebhayibhelini." Sathoma sazizwa sithabile. Ngaragela phambili ngokuthunga, nokukorotjha, nokuthunga. Ubuhlungu ebengibuzwa bababhedere.
Translated by Busisiwe Skhosana