Gare ga Gatelelo
Ka letšatši le lengwe, ke rometše morwa waka wa mafelelo, phumie, gore a ye lebenkeleng go reka borotho le swikiri. Ge a boa, a sepela mo bjang pula e ile ya thoma. Morago ga sebaka nyana go ile gwa tla legadima e be le mo betha. O be a na le mengwaga ye lesome seswai.
Batho ba ile ba kitimela ka ngwakong wa ka ba mpotša gore ba mmone a kitima, e be ba mmona a wela fase. 'Ao, Goldie, ke maswabi', ba realo. 'O gona mola mo thabeng'. Ge re fihla mo, o be a šetše a hwile. Go bontšha gore o hlokofetše semeetseng. Go na le kotsi ya go betha ke legadima ka selemo mo Eastern Cape.
Le bjale, ge ke ile ka Matšhe, ke kwele gore se se diregile go batho ba ba mmalwa. Se ke se sengwe se re phelago ka. Eupša o ka se tsoge itokišeditše se gore se direge ka lapeng la gagwe. Lehu le ka tlwaelega, eupša wena o ka se le tlwaele.
Go Thoma toro Gape
Ka morago ga gore bana ba ka ba babedi ba hlokofale ka lebaka la HIV/Aids, ke ile ka re, 'go baneng nna ka mehla? Ke ka lebaka la eng o ka re morago ga mengwaga ye mebedi, ye mongwe le mengwe yo mongwe wa bana ba ka o swanetše go hwa?
Go baneng nna?' Ke godišitšwe ka gagamalo kudu, ka be ke hlwa ke dira dilo tše lebanego, gomme ke be ke sa kgone go kwešiša gore go baneng bonyami bjo bo tla go nna. Ka pelong yaka ke ile ka thoma go sola batswadi ba ka, ka lebaka la gore ke be ke sa nyake go nyale. Ke be ke nagana gore ke tla ba mooki goba go ruta mo sekolong, eupša monna wa ka ga sa a ntemelela.
Ka fao ke be ke nagana gore, 'bjale ke na le bana le monna yo gomme ba a hwa. Ke eng se?' Le ge ke be ke sa itemogela tše ka moka, ke be ke tseba gore monna wa ka e be e le monna yo a lokilego. Le yena o be a nyamile gore bana ba gagwe ba be ba hwa. Eupša mahu a be a le boima go nna kudu. Ke be ke le gae letšatši ka moka, ke no dula ke nagana gare ga bohloko.
Ga ke be ke sa kgone go nagana ka dijo. Ke be ke sa nyake go bona batho ba bangwe. Ke be ke no hlatswa diaparo le go hlwekiša ka ngwakong le jarateng, eupša ge ke fetša mošomo wa ka, ke be ke ya ka gare gomme ke dula fase. Ke be ke tseba gore hlogo ya ka e be e se botse. Ke ile ka lemoga gore se sengwe se be se swanetše go fetoga. 'Ke dira eng, ke no dula mo letšatši ka moka ke sa dire selo?' Ke ile ka ipotšiša. 'Nka se kgone go tšwela pele ka tsela ye.
Ke swanetše go boela morago kua Cape Town go ba le monna wa ka.' Re swanetše re bolele mmogo gomme re tšee sephetho sa gore re tlo dira eng. Ke ile ka lahlega ka gare ga kakanyo ya go thoma kgwebo yaka gomme ka thoma go ikwa ke ba kaone. Ka fao ke ile ka boela morago kua Cape Town, Ka kgopela Otto gore a nthekele ke ya motšhene wa go roka wa sebjalebjale gomme ka thoma kgwebo yeo ke be ke lora ka yona.
Go Fola Mmogo
Ka mathapama a mantši, re be re hlwa re bala beibele mmogo. Temana ye e be e nkgothatša e be e le ya Moapostole Timothy, moo a rego se sengwe sa go swana le, 'Mafelelong, ge Jeso a e tla, bana ba ka se mo kwa. Go tla ba le go hwa bjo bontši.
Batho ba tla rata tšhelete.' E be re nagana Ke ka lebaka la eng, re be re ka nagana ka dilo ka moka tše mpe ge Modimo a re file eibele, e bile ga se puku ya ka mehla? E ngwadilwe ke baporofeta. Gomme dilo ka moka tše di hlagago di ngwadilwe ka gare ha beibele. 'Re ile ra thoma go ikwa re thabile nyana. Ke ile ka, ka tšwela pele ka go roko le go loga. Bohloko bja ka bo ile bja fokotšega.'
Translated by Lebogang Sewela