Alicia Mdaka
Bommane bja ka Robina le Theresa ba be ba dula le rena mo ntlong ya Koko waka le bana ba bona. Ka mehla ba be ba hlwa ba nkomanya, ba mpethela dilo kamoka tše mpe tše ke di dirilego. Bana ba bona ba be ba sa kgone dira dilo tše mpe gomme nna ke be ke sa kgone go dira dilo tše lokilego le ge e le gore ke be ke dira mešomo ya ka ya ka mo ntlong ga botse; bjalo ka go gamolla maswi mo dikgomong le lema mo tšhemong.
Go na le tiragalo ye nngwe ya go segiša ge ke e gopola. Ba be ba nthomile lebenkeleng ge ke boa ka ema ka raloka bolo. Ge ke boela gae Koko waka a omanya gore ke boile lata. Mantšu a gagwe a mangwe ke sa a gopola gabotse. 'O a tseba keng setlogolo sa ka? Nonyane ya meso e hwetša seboko se se nnonego', a realo.
Ke ile ka tšea mantšu a gagwe mo pelongg, ge batho ba sa lebelela nna ke be ke nyakana le seboko sa go nona. Bonnete ke gore ke be sa tsebe gore o bolela ka eng. E fela, mengwaga yeo e be e le šoro gomme manyami a ka, a be a ntira gore ke phele ke ipotšiša dipotšišo. 'Bana ba bangwe ba thabile le Bokoko bja bona. Go baneng nna ke sa thaba?' Ke ile ka kgotsa. 'Go na le seo, se sa lokago ka nna? Ke eng bohlokwa bja bopehelo? Go baneng ke belegwe?'
Nothando Kbukeli
Ke godile ke hlokomela dipudi tša tate waka, dinku le dikgomo mo thabeng ya polase ya gagwe e bitšwago Kleinplaas, kgauswi le Cradock mo Eastern Cape. E be e le polase ye kgolo ye na lego diphoofolo tše ntši. Ke be ke di hlokomela le kgaetšedi ya ka gomme re be re thabela go dira bjalo.
Nna ge ke be sa gola ke be phela gabotse. Tate waka e be le monna wa mohumi ka gobane o be a na le leruo le lentši. Buti waka o be a sepetša a eli Johannesburg go yo nyaka mošomo gome ke be setše le kgaetšedi ya ka le hlokomela diphoofolo. Tate waka o ile a ntšha sekolong ge ke fetša mphato wa boraro gore ke mo thuše. Mme waka e be e sa mo thabiši taba ye.
O ile a re, 'O swanetše gore o ye sekolong ka gobane o tlo hloka thuto ka moragonyana mo bophelong.' E fela tate waka, yo a bego a nthata kudu, o ile a gana a dira gore ke hlokomele diphoofolo.
Tenjiwe Tutu
Ge le dula le le bana ba bantši go tšwa ma lapeng a go fapana ge go ka ba le selo se se mpe se se diregago ba lebelela wena. Gomme ge o le ngwana o ka se kwešiši lebaka. Mmane waka o be a na le morwa yo a bego a feta kgaetšedi ya ka, e be le mošomane wa go tšwa tseleng.
Ge ba raloka mmogo o be a phela a mo betha ka gobane kgaetšedi ya ka e be e le ye nnyane go yena. O ile a lla gomme a ya go mmane waka, eupša mmane waka o ile a se dire selo. Ke be ke kwela Nothemba bohloko.
Go be go na le gape morwedi yo mogolo go nna wa go rata maaka. O be a rata go botša mmane waka gore ke mmoditše mantšu a mabe e bile ke be dutše le bašemane ba bantši. Mmane waka o ile a tšea kgathi a mpetha ka yona go fihlela ke wela fase.
Translated by Lebogang Sewela