Alicia Mdaka
Anti wami Robina kanye na Theresa bekadze bahlala natsi na Gogo endlini yedzaka, kanye nebantfana babo. Njalo bebangitsetsisa bangishaya ngenca yakokonkhe lebengikwentile. Bantfwa babo babehlala bakahle bengentanga lutfo lokubi ngaphandle kwami. Noma ngabe ngizama kwenta kahle yonkhe imisebenti yami, ngisenga tinkhomo futsi ngisita nasemasimini.
Lesinye setehlakalo siyangihlekisa mangicabanga ngaso, ngatfunywa esitolo, ngaphazamiseka ngibuya sengidala libhola. Ngatsi ngibuya Gogo wangiyala ngokugcina sikhatsi, lamanye emagama ahlala kimi kute ngunamuhla. Wangitjela kutsi inyoni levuka kucala itfola sibhubukati sesibungu,ngawatsatsa emagama akhe,ngawafaka enhlitweni yami.
Kwatsi lapho kungana muntfu,ngahamba hamba ngigubha ngicingana nesibungu, liciniso kutsi bengingati nokutsi Gogo usho kutsini. Kodva lawo malanga bekabuhlungu angajabulisi neze, bengitibuta kutsi labanye bantfana bajabuile nabo Gogo babo kodva ayi mine. Bengitibuta kutsi ngabe kukhona lokubi lengikwentako, yini sizatfu semphilo yami nokutsi kantsi vele ngitalelwe ini.
Nothando Kbukeli
Ngikhule ngigadza timbuti taBabe wami,timvu kanye netinkhomo etintsabeni efamini lakhe,eKleinplaas dvutane ne Cradock eEastern Cape. Bekulifamu lelikhulu kakhulu, ligcwele tilwane letiningi, mine nadzadze wetfu besi gadza sobabile futsi sijabuile kakhulu. Kukhula kwami kwangijabulisa.
Babe wami bekuyindvodza lecebile kakhulu, anemfuyo leningi kakhulu. Umnaketfu yena bekase ndzaweni yase Goli ayofuna umsebenti, babe wami wangikhipa esikolweni ngifundza libanga lesitsatfu kutsi ngito msita. Kodva Make angajabuliswa yilokho, watsi ngifundze ngitokwati kutsi ngibe lutfo kusasa, kodva Babe wami ngokungitsandza kwakhe watsi ngiyeke sikolwa.
Tenjiwe Tutu
Manibantfana labatalwa ngoku hlukana nihlala ndzawonye,mangabe kubakhona lokungahambi kahle,bakhomba wena,futsi njengemntfana awucondzi kutsi leni. Anti wami bekanemntfana longatsi ukhula khulile kudzadze wetfu,futsi angeva kakhulu.
Mabadlala kanye kanye abemushaya ngoba emuncane kuye, bekakhala agijimele ku Anti wami kodva abenganaki lutfo angatingeni,ngimuvele buhlungu. Bekunomntfana wentfombatane lobekamdzala kimi futsi anemanga, atjele anti kutsi mine ngikhuluma kabi ngaye futsi ngihamba nencumbi yebafana. Anti abengishaya ngize ngilale phansi emhlabatsini.
Translated by Thandokuhle Motha