Alicia Mdaka
Va mhani ntsongo wa mina Robina na Theresa ava tshama na hina eka yindlu ya kokwani ya misava xikan’we na vana va vona. Masiku hinkwawo ava ndzi holovela, ndzi biwa ndzi beriwa swihoxo swa mina. Vana va vona avanga endli nchumu xo hoxeka hambi leswi andzi tirha hi matimba eka mintirho ya mina, kusenga tihomu na kurima masimu.
Mhaka yinwana leyi ndzi hlekisaka loko ndzi yitsundzuka nasweswi. Ndzi tshama ndzi rhumiwa e vhengeleni laha ndzi nga phazamiseka loko ndzi vuya ndzi sungula ku tlanga bolo. Loko ndzi fika ekaya kokwani vavulavule na mina hitimhaka taku vuya ekaya vusiku. Yan’wana marito yaha tshamile nale nhlokweni ya mina.
'YWaswitiva i yini, ntukulu wa mina? Xinyenyani lexi humbutaka xikhoma xivungu xo nona,' Vandzi byela tano. Ndzi tekele enhlokweni marito lawa naswona hiku hatlisa, loko ndzi nga voniwi hi munhu, andzi cela cela misava ndzi lavana na xivungu lexi xonona. Ntiyiso iku, Andzi nga switwisisi leswaku ava vulavula hiyini. Kambe ke, yalawo akuri malembe yovava swinene naswona kupfumala ka mina ntsako swi endle leswaku ndzi tivutisa swivutiso swotala.
'Vana van’wani vatsakile nava kokwani wa vona. Xana hiko kwalaho ka yini mina ndzi nga tsakangi' Ndzi sungule kuti vutisa. 'Kungava kuri na leswi nga hoxeka hi mina ke? Xana xikongomelo xa vutomi bya mina i yini ke? Xana ndzi tswaleriwe yini?'
Nothando Kbukeli
Ndzi kule ndziri karhi ndzi risa timbuti, tinyimpfu na tihomu ta tata wa mina e tintshaveni tale purasini, Kleinplaas, kusuhi nale Cradock e Eastern Cape. Akuri purasi lerikulu, riri na swifuwo swa madzana dzana. Mina na sesi wamina hihina ahi risa swifuwo leswi naswona a hitsakile. Eka mina vuhlangi abyiri nkarhi lowu tsakisaka swinene.
Tatana ari wanuna loyi a fumile swinene hikuva ari na swifuwo swotala swinene. Boti wa mina ayile e Johannesburg kuya lava ntirho, leswinga endla leswaku kusala mina na sesi wa mina kuva hi risa swifuwo swa tatana.
Tatana vandzi tshikise xikolo loko ndzi heta ntangha nharhu, leswaku ndzi ta nwi pfuna. Mhani aswinga va tsakisi na kan’we. Vate, 'Ndzi fanele kuya exikolweni hikuva ndzita lava dyondzo kun’wani kwala evuton’wini bya mina.' Kambe tatana, loyi andzi rhandza ngopfu anga pfumelelani naswona laha a endla leswaku ndzi risa swifuwo swa yena.
Tenjiwe Tutu
Loko mihlanganile miri vana kusuka eka mindyangu yotala mitshama endzhawini yin’we, loko xin’wani xi hoxeka vakombetela wena. Naswona loko uri n’wana awu twisisi nchumu na leswaku hikokwalaho ka yini. Mhani hulu wa mina avari na n’wana wa jaha loyi a hundza nyana sesi wa mina naswona a phunghela swinene.
Loko va tlanga swin’we ata n’wi bukutela, kuringeta ntsena hikuva ari ntsongo eka yena. Arila aya eka mhani hulu, kambe yena anga voni nchumu. Mbilu ya mina ayi vavela Nothemba. Akuri na n’wana wunwana wa nhwenyani loyi ari nkulu eka mina naswona a hemba ngopfu. Ata byela mhani wakwe leswaku mina ndzi vulavule kubiha hi yena naswona andzi tlanga na vafana. Mhani wakwe vata teka nhkavi vandzi ba hiwona kufikela ndzi etlela e hansi.
Translated by Ike Ngobeni