Ku Lelana Rohetelela
Andziri eka lembe rosungula ra kunghena xikolo loko tatana wa mina, loyi ari mudyondzisi, a lova. Andzi switiva leswaku a vabya, kambe andzi nga tivi xiphiqo xa yena. Ndza ha switsundzuka kahle hinkarhi walowo.
Eka siku leri anga lova hi rona, u kombele mhani wa mina: 'Ndzi kombela undzi swekela swakudya leswi ndzi nga taka ndzi nga swirivali. U vitana nwana wa mina loko a vuya eku tlangeni leswaku ndzi ta dya nayena.
' U swekile swakudya swa kahle laha akuri nyama ya huku na matsavu kusuka exirhapeni, mazambala, ti carrots na khavichi. Loko a phamerile manan undzi vitanile. Tatana adya lepula rinwe na mina ndzi endla tano, kutani hidya swinwe kusuka eka ndyelo yinwe. U vuye a hundza emisaveni endzhaku ka tiawara nyana.
Sweswi se ndzi nga kula ndzi kota kutwisisa leswi aswi endla hi siku leriya. Andzi lela hindlela liya. Endzhaku kaloko a lovile, andzi fika e kaya kusuka exikolweni ndzi teka swimpopani swamina kutani ndziya e sirheni ra yena ndziya tlangela kona. Hi ndlela leyi hlamarisaka, ndlela ya nwana, andzi tsakile swinene eka ndzhawu liya. 'Mubedwa wo vempfama,' Hi leswi andzi yivula swona ndzhawu leyi, andzi ta tshama kona kuringana ti awara.
Nkarhi wunwana andzi khomiwa hi vurhongo ndzi etlela e hansi kwale sirheni. Nkarhi lowuya andzi nga switivi leswaku andzi endla yini, kambe sweswi ndzi kota ku vona leswaku andzi twa ndzi antswa loko ndzi ri ekusuhi nayena.
Ndzhavuko wa xi-Xhosa
Matikhomelo ya mina e sirheni ra tatana aswi vavisa mhani wa mina swinene. Kumbe aswi n’wi tisela gome ngopfu. Nakona, avilela ngopfu hi mina. Endzhaku ka lembe na loko ndzi pasile eka lembe rosungula exikolweni, mhani vandzi rhumele kuya tshama na kokwani e Tsolo village e Eastern Cape.
Hinkarhi walowo mhani ava tirha e tindlwini naswona aswiva tikela ku tirha vatlhela vandzi hlayisa exikarhi ka siku. Hi ndzhavuko wa xi-Xhosa, leswi hi leswi swi endlisiwaka xiswona— loko mhani vari ntirhweni, varhumela vana eka vakokwani, lava vava kurisaka.
Se ndzi fambile ndziya eka kokwani e Tsolo, ndzi fika ndzi vangama exikolweni. Laha hi laha ndzi nga dyondza kona kuva muphati— loyi, hi ndzhavuko wa hina a mbalaka, a yimbelela no cina a ndhundhuzela tihosi kumbe vale hansi.
Eka GAPA, ndzahari muphati eka vakokwani, ndzi yimbelela, ndzi ndhundhuzela, ndzi ba nenge ehansi hi matimba lawa onge i ya wanuna. Vanhu hinkwavo va hlamala loko vaswivona.
Masiku yo wisa ya swikolo
Mudyondzisi wa mina exikolweni e Tsolo, Agnes Kenu, a rhandza ku cisetela, ayimbelela naku cina loko ahi hlayela switori eka tlilasi ya hina. Andzi n’wayitela hi nyanyuko loko ndzi n’wi languta, laha anga sungula ku ehleketelela leswaku ndzi ngava ndziri na talenta leyi fanaka na yayena.
U sungule ku hamba andzi vitana emahlweni ka klilasi laha anga endla leswaku ndzi swiendla nayena. Ndzi dyondzile xikanwe no tekeriwa enhlokweni naswona andziti nyungubyisa hikuva andzi vona ndziri eku dyondzeni hiku hatlisa na hiku olova loko ndzi pimanyisiwa na vana lavanwani. Andzi ngari ntsumi; Andzi phunghela swinene hinkari walowo.
Ndzi tsundzuka siku rin’wana loko mudyondzisi va humile e klilasini, ndzi suke ndziya tshama eka xitulu xa vona, hiku phunghela notwa ndziri wa nkoka. 'Sweswi,hitaya hiya endla arithmetic,' Ndzi byela klilasi, kutani ndzi sungula ku tsala eka xitsalelo.
Kutani va hleka. Loko ndzaha endla leswi, mudyondzisi a nghena. 'Oh, ndzi rivaleleni— ndzivalelo, ndzivalelo, ndzi ngehe swiendli nakambe,'Ndzi swivula hiku titsongahata, ndziri karhi ndzi tlhelela exitulwini xa mina. Ndzi ngava ndzi talele hi mihupani kambe andziri na nhlonipho, naswona mudyondzisi uyile emahlweni andzi rhandza.
Translated by Ike Ngobeni