Lihhabhula le Kei (Dovyalis caffra) liphindze libitwe nga applekoosdoring, Umgokolo, Amagokolo, iapricot yesiganga, um-Qokolo, Umkokola, iapricot ya Dingaan kanye ne Motlholo. Le apricot yesiganga (D. zeyheri) kanye neligungumence lelimunyu lelatiwako (D.rhamnoides) ngulamanye emacembu lamabili etitselo letinye kulomndeni we Dovayalis.
Lesihlahla selihhabhula le kei lesihlala siluhlata asivani nesomiso kanye nesitfwatfwa lesihluma sibesemkhatsini wemamitha lamatsatfu nalasihlanu ngekuya etulu. Sitfolwa emahlatsini asetintsabeni, tindzawo letomile, indzawo lenetjani netigodvo, emnceleni wemahlatsi ase Eastern Cape, KwaZulu-Natali nase sifundzeni sase Limpopo. Lelihhabhula le Kei lemanyeva lenta sijubo noma sihlahla se hedge (nasihlanyelwe silondzelene ndzawonye phindze sijutjiwe) futsi sinetimphandze letingenela kulentinye. Lesihlahla sachamuka Engilandi ngemnyaka wa 1838 sase siyasakateka mhlabawonkhe lapho sihlanyelwe njenge hedge etingadzeni letsemnceleni welwandle - simela umhlabatsi lophansi loneluswayi kanye nekufutfwa kwelandle. Letimbali tivutsiwe ngejusi lenongotelako; tikhanga emavivivane kanye netilwanyana tibe letitselo tijwayelwe tinyoni kanye nebantfu bese lamacembe atsandvwa tilwane tekufuywa.
Sitselo selihhabhula le kei siyadleka ngendlela yejusi kanye nangendlela yebumphushana - kufana ne apricot. Sivame kufakwa kusaladi yetitselo, sakha jamu lokahle kakhulu futsi sisetjentiswa kumakhekhe noma ekwakheni kwekunatsa kwetitselo. Sibonwa ngatsi sine esidi letiningi kakhulu kutsi singadliwa njengekutsi - lelihhabhula le Kei likahle lijutjuiwe bese livuvutelwa ngashukela ngaphambi lidliwe. Sitselo lesingakavutfwa singakhiwa kantsi emacembe enta kudla lokukahle kwetilwane. Lesitselo sivutfwa kusuka enyangeni yeNgci kuya enyangeni yeMphala futsi silunge sivunwa sihlangene (sebentisa umukhwa) kwentela kuvikela kusikeka kwalesikhumba.
Lihhabhula le Kei alivani nesomiso kanye nendzawo lenesitfwatfwa futsi sihluma kahle etinhlavini leticokelelwe etitselweni letivutsiwe. Tinhlavu kumele tiklinwe phindze tomiswe ngaphambi tihlanyele.
Inchazelo Yemutsi
Lwati lwalemfundvo kanye netidzingo telwati kuphela ngekutsi kungahle kungatsatfwa njengekucebisa ngekwemutsi. Lolwati alukahlelwa kutsi lumelele kucebisa ngekwemutsi noma kwelapha lokunikwa tati letibuke temphilo.Translated by Phindile Malotana