Kwala nge Nhlonipho nange Lisiko le Sixhosa ngeSintfu

Goldie Qayiya ukhuluma ngekutsi batali bakhe bamkhulisa njani ngekutsi abewesifazane lohloniphekile, nekutsi loko kanye nalamanye emasiko sekacale kushabalala kancane kancane.

Timfundziso Tasebuntfwaneni

©Eric Miller

Ngalelinye lilanga, bengisuka esontfweni namake wami ngesikhatsi bomake labadzala lababili phambikwetfu, Ester na Wesley, basimisa bafuna kukhuluma natsi. Batsi kumake wami, ʹIndvodzakati yakho ihlala iyinhle sonkhe sikhatsi iyasihlonipha natsi, basibuta kutsi sinjani, ngekumamatseka lokuhle.ʹ Loku kwamenta wagcwaliseka ngemgcabho. Kwangenta ngajabula, nami. Ngisenekuhlonishwa ngulabadzala bantfu. Letimfundziso tebuntfwana tiyajula.

Kulahlekelwa Masiko

©Eric Miller

Tintfo tatincono ngaleta tikhatsi. Kute lokunganani lokuhlonishwako nyalo ngisho nalabantfu labadzala balahlekelwa ngemasiko abo. Sonkhe siyakwemukela futsi sikutsatsela phansi kutsi uma umuntfu lomncane wesifazane aya eGoli, ngenta Sibonelo, ubese utsatsa lendlela yebantfu baseGoli aphindze ente kakhulu ngoba usuke ezama kakhulu kufana nabo. Ubese uyakhohlwa ngemitsetfo yelisiko lakhe.

Kepha lemitsetfo icinisa kuphepha kwetfu. Ngesikhatsi ngisemuncane, bantfwana lebebaneminyaka lelishumi bebakhona kuphumela ngaphandle bangcunu bayodlala. Bekute bungoti bekulima noma bekudlwengulwa. Wonkhe umuntfu lobekengca bekabona lomntfwana njengemuntfu lotsembekile lofanelwe kunakekelwa ngibo kanye nekumvikela bebaye bamamatseke babebachubeka nekuhamba.

Titnfo tatincono kakhulu, ngetindlela letiningi. Namuhla, indvodza lebulala labanye ivalelwa emaviki lamabili kuphela, bese utfola kukhululwa ngemuva kwekubhadala. Bese uphindze uyabulala futsi, aphindze futsi, aphindze futsi. Siyabati laba bantfu, emimangweni yetfu. Yebo, sikhululekile namuhla. Kepha nyalo loku singakakhululeki, bantfu bentani? Bantfwana bayabulawa, kulenankhululeko.

Translated by Phindile Malotana