Go Fokolo bja Hlompho le Ditwaedi mo Setšong sa seXhosa

Goldie Qayiya o bolela gore batswadi ba gagwe ba mo godišitse go hlopha basadi le gore ditwaedi tše dingwe di thomile go timelela ga nnyane ga nnyane.

Dithuto ge re be re Gola

©Eric Miller

Ka letšatši le lengwe, ke be ke tloga mo kerekeng le mme waka ge basadi ba babedi pele ga ka Ester le Wesley, ba ema go bolela. Ba ile ba re go mme waka, 'morwedi wa gago o hlwa a re hlompha gabotse, o re botšiša ka mehla gore re phetše bjang a myemyela.' Se se ile sa tlatša mme wa ka, ka boikgantšho. Nna se ile sa nthabiša. Ke sa hlompha batho ba ba golo. dithuto tša nako ye ke gola di iša fase.

Go Lahlegea ke Ditlwelegi

©Eric Miller

Dilo di be di le kanone ka dinako tšela. Ga go sa na hlompho le batho ba ba golo ba lahlelwa ke ditlwaelegi tša bona. Kamoka re a amogela e bile ga re iši hlogong gore ge basadi ba nnyane ba ya Johannesburg, ba ekiša mekgwa ya batho ba Jo'burg e bile ba okeletša ka gobane ba leka go ba seemong sa go swana le ba bangwe. Ba lebala melao ya ditšo tša bona.

E fela melao ye e holofetša gore re phela re bolekegile. Ge ke be ke le yo monyane, mengwaga ya go lekana lesome ke be kgona go ya ka ntle ke ponokile ke ye go raloka. Go be go se na kotsi ya go gobala goba go katiwa. Motho yo mongwe le mongwe yo a bego a feta o be a bona ngwana bjalo ka motho yo se nago molato, a hlokago hlokomelo le tšhireletšo.

Batho ba be ba no myemyela e be ba fete. Dilo di be di le kaone ka mekgwa ye mentši. Matšatšing a lehone, monna yo a bolayago o ya kgolegong dibeke tše pedi fela e be a dumelelwa go tšwa. E be a tšwelapele go bolaya. Re a ba tseba batho ba mo setšhabeng sa rena. Ee, re lokokogilwe matšatšing a. E fela, bjale, ka gobane re lokologile, batho ba dira eng? Bana ba bolaiwa gare ga tokologo.

Translated by Lebogang Sewela