Dyondzo ya vuhlangi
Osiku rin’wana, Andzi suka e kerekeni na mhani wa mina loko vavasati van’wana vambirhi lavakulu lava avari emahlweni ka hina, Ester na Wesley, vamiyerile ku vulavula.
Va te eka mhani wa mina, 'N’wana wa wena u tshama a sasekile no hlonipha eka hina, ahi vutisa leswaku hi njhani, hin’wayitelo wa kahle.' Leswi switise kutinyungubyisa. Swi endle leswaku ndzi tala ntsako. Ndzahari na nhlonipho eka lavakulu kufikela namuntlha. Dyondzo leyi ndzi nga yikuma evuhlangini bya mina yifika kule.
Ku lahlekeriwa hi maendlelo
Swilo aswi antswa hi masiku lawaya. Akahari na nhlonipho masiku lawa naswona hambi vanhu lavakulu va lahlekeriwa hi maendlelo ya vona ya swilo. Hinkwerhu ha amukela nakuva hinga switekeli enhlokweni leswaku loko wansati aya e Johannesburg, xikombiso, uta fika a tekelela vutomi bya vanhu vale Jo'burg xikan’we naku hundzisa hikuva u ringeta hiti ndlela hinkwato kuva aringanela. Uta rivala hinkwaswo leswi khumbaka ndzhavuko wa yena na milawu ya kona.
Kambe milawu leyi ayihi hlayisa. Loko ndzahari ntsongo, vana va malembe ya 10 ava kota ku tlanga ehandle vanga ambalangi. Akungari na khombo raku vanga vavisiwa kumbe ku pfinyiwa. Munhu un’wana na un’wana loyi a hundzaka ata vona n’wana yaloye ari loyi anga tiveki nchumu loyi alavaka nhlayiso na nsirhelelo xikanwe naku n’wayitela a hundza.
Swilo aswi olova, hiti ndlela totala. Namuntlha, munhu loyi a dlayaka van’wana uta pfaleriwa e khotsweni mavhiki yambirhi kutani a huma hi bail. Kutani a dlaya nakambe. Havativa vanhu lava, etindzhawini ta hina. Hiswona, hi tshunxekile masiku lawa. Kambe sweswi hinga tshuxeka, vanhu va endla yini ke? Vana va dlayiwa, eka ntshuxeko lowu.