Kuvuya ka Otto Qayiya hi Lembe
Siku endzhaku ka loko Otto atava a vuye e kaya kuta wisa hi December, ahita xava nyimpfu leyi ayita dlawa kutlangela. Mina na Otto hitaya eka vamakhelwani Mr Madondile kuya vahakela R300 kumbe R400 kutani vana va Mr Madondile vata tisa nyimpfu leyi. Yena na Otto vatayi dlaya. Loko vana va hina Vusi na Phumie vakurile vata swiendla. Aswitiki – vakula varikarhi vaswivona leswaku swiendlisiwa kuyini, se vaswitiva.
Hi vitanile vanghana, vamakhelwani na ndyangu leswaku hita tlangela kun’we, ku ciniwa na vuyimbeleri, leswi swingava kona kufikela hi miqivela. Akuri ku hela ka vhiki kakahle. Loko nyama yiswekiwile, ahi ndlala xitheve hitshama eka xona tani hi vavasati lavakulu hi endla xirhendzevutani, vabvana va tshama hi xivona, vanhwenyani na vona va tshama hi xivona kasi vana vaya tlangela e handle. Vavanuna vata tshama ekusuhi nale xivalenil.
Hiyisa ndhichi ya nyama eka xirhendzevutani xin’wana na xin’wana laha vanhu va pambulaka nyama kukondza yi hela. Vavanuna hivona va dyaku kusungula kutani kuta vavasati. Leyi i ndlela leyi vanhu va ma-Xhosa ava dyisa xiswonakuringana nkarhi woleha. Ahiri na tindhichi to dyela eka tona kambe ati tirhisiwa loko kuri na minkosi kumbe mintirho yinwana. Minkarhi leyin’wana, kukatsa na loko ku tlangeriwa, ati tshama eka tikhabodo.
Hinkwenu Mirhambiwile
Loko ko fika muyeni hinkarhi wa ntlangu lowu, avitaniwa kuta dya na hina.' Ahi hlongoli vanhu. Vamakhelwani va hinaavata ka kutlangela ka hina hinkwako na hina hiya eka kutlangela ka vona. Leyi indlela leyi hinga dyondzisa xiswona. Akuri hava xigwitsirisi nkarhi wakona naswona ahiri na ndlela yo hlawuleka yaku tirhisa naku hlayisa nyama endzhaku kaloko ku dlayiwe nyimpfu.
Vanhu van’wana lavangariki na xigwitsirisi vaha endla hindlela leyi. Hita sungula hiku teka xivindzi na marhumbu hi sweka swona. Siku leri landzelaka kutsemeleriwa milenge yi cheriwa e potweni yi swekiwa. Endzhaku ka sweswo miri wa nyimpfu wuta totiwa munyu kutani yiya hayekiwa exivaleni e handle.
Kutani yi phutseriwa hi matluka ya nsinya leswaku yinga phatsamiwi hi tinhongani. Endzhaku ka ntlhanu wa masiku nyama yiva yi omile nyana, kutani hiyiteka hiyi veka e zinghini, yifunengetiwa yiya vekiwa e khabodweni. Hinkwaswo leswi aswi endla leswaku nyama yi hlayiseka. Endzhaku ka vhiki na hafu nyama ayiva yi omile yi kota naku swekeka. Ahi sweka yintsongo siku na siku naswona loyi ayi lavaka ahi n’wi phamela.
Translated by Ike Ngobeni