Ukuncipha Kwehlonipho Namasiko WesiXhosa

UGoldie Qayiya ukhuluma ngendlela ababelethi bakhe abamkhulisa ngayo, bona abengumma ohloniphako, nokobana sele lokho namanye amaiko wabo kuthoma ukuphela.

Iimfundiso zebuntwaneni

©Eric Miller

Ngelinye ilanga, sibuya esontweni nomma abomma ababili egade bakhamba ngaphambi kwethu uEsther no Wesley bajama bakhuluma. Bathi kumma, ’Indodakazakho ihlala isihlonipha, isibuza bona sivuke njani, ngokumomotheka’. Lokho kwamenza waziqhenya. Nami kwangijabulisa, ngisabahlonipha khulu abantu abadala. Iimfundiso zebuntwaneni ngisese nazo.

Ukuloba amasiko

©Eric Miller

Izinto zazibhedere ngamalanga layo. Ayisekho ihlonipho engako amalanga la, ngitjho nabantu abadala sele balahlekelwa masikwabo. Soke sele samukela begodu sikuthatha kancani bona umntazana osese mncani nakaya eJwanisbhege, ukwenza isibonelo, uzokukopa iintayela zabantu beJwanisbhege enze bekabadlulele ngombana alinga ukufana nabo. Ulibala woke amasiko wakhe nemithetho yesintu. Kodwana imithetho le iqiniseka bona siphephile.

Lokha abantwana abancani abangaba neminyaka elisumi, gade barhona ukuya ngaphandle babulanzi bayokudlala.Gade ingekho ingozi yokobana bazabalimaza namtjhana babakate. Woke umuntu obekadlula qadi kwabo bekabona, bona umntwana lo umsulwa, begodu utlhoga ukutlhogonyelwa nokuvikelwa, avele amoyisele adlule. Izinto zazibhedere ngendlela ezinengi.

Namhlanjesi, umunti obulala abanye ubotjhwa iimveke ezimbili kwaphela, athole ibheyila. Abulale godu, aphindelele. Siyabazi abantwaba emiphakathini yethu, iye sitjhaphulukile amalanga la. Kodwana nje sele sitjhaphulukile, abantu benzani? Abentwana bayabulawa, yini lokho yitjhaphuluko.

Translated by Busisiwe Skhosana